گوکرن: 10لاکھ روپئے مالیت کا گانجہ سپلائی کرنے والے تین ملزم گرفتار
گوکرن:17؍ مارچ (ایس اؤ نیوز ) اوم بیچ روڈ کے بیلکان کراس کے قریب بائک کے ذریعے گانجہ سپلائی کرنے کےدوران پولس نے تین لوگوں کو گرفتار کرلیا اور اُن کے پاس موجود دس لاکھ روپئے مالیت کاگانجہ برآمد کرلیا۔
ذرائع سے ملی اطلاع کے مطابق گرفتارشدگان کی شناخت بیلے ہتل کے تُلوسوہموگوڈا(46)، مولے کیری کے شری دھر امیش گوڈا(21) اور کوڈلے ساحل کے مکین نیپال سے تعلق رکھنے والے سنتا بہادر تمنگ عرف سریش نیپالی (35) کی حیثیت سے کی گئی ہے۔
پولس کے مطابق تلوسو گوڈا پر اس سے پہلے بھی گانجہ سپلائی کرنے اور گانجہ بیچنےکا کیس درج ہے اوروہ عدالت سے ضمانت پر باہر تھا۔ مگر اب وہ دوبارہ گرفتارہو گیاہے۔
کمٹہ تعلقہ کا گوکرن ایک طرف سیاحت کےلئے مشہورہےوہیں آج کل منشیات کے لین دین میں اضافہ ہونے سے عوام تشویش کا اظہار کررہے ہیں۔