کرشنا ناگر نے ٹوکیو پیرالمپکس میں ہندوستان کو دلایا پانچواں طلائی تمغہ

Source: S.O. News Service | Published on 5th September 2021, 1:24 PM | اسپورٹس |

ٹوکیو، 5؍ستمبر (ایس او نیوز؍ایجنسی) ٹوکیو پیرالمپکس میں ہندوستان کے کرشنا ناگر نے تاریخ رقم کرتے ہوئے ہندوستان کو پانچواں طلائی تمغہ دلا دیا ہے۔ کرشنا ناگر نے اتوار کے روز بیڈمنٹن کے مردوں کے سنگلز (ایس ایچ-6) مقاملہ کے فائنل میں ہانگ کانگ کے چو من کائی کو ہراکر گولڈ جیتا۔

ہفتہ کے روز ایس ایل-3 مقابلہ میں پرمود بھگت کی جانب سے مردوں کے سنگلز مقابلہ میں خطاب جیتنے کے بعد ٹوکیو پیرالمپکس میں یہ ہندوستان کا دوسرا طلائی تمغہ ہے۔ اس سے قبل اتوار کے روز نوئیڈا کے ضلع مجسٹریٹ سہال ایل یتی راج نے بینڈمٹن مقابلہ میں ہی چاندی کا تمغہ اپنے نام کیا۔

میچ کے دوران کرشنا ناگر نے شاندار کارکردگی کا مظاہرہ کیا۔ انہوں نے میچ 21-17، 16-21 اور 21-17 سے اپنے نام کیا۔ یہ مقابلہ 43 منٹ تک جاری رہا۔ کرشنا نے سیمی فائنل میں برطانیہ کے کرسٹن کامبز کو شکست دے کر فائنل میں مقام حاصل کیا تھا۔

کرشنا ناگر پہلے گیم میں اپنے حریف سے آگے رہے لیکن دوسرے گیم میں ہانگ کانگ کے چو من کائی نے برابری کرتے ہوئے یہ گیم جیت لیا۔ تاہم کرشنا نے ہار نہیں مانی اور انہوں نے تیسرا اور آخری گیم اپنے نام کر کے گولڈ پر قبضہ جما لیا۔

ایک نظر اس پر بھی

ٹی-20 ورلڈ کپ: پاکستان نے ہندوستان کو 10 وکٹوں سے شکست دی

پاکستان نے اپنے اوپنرز کپتان بابر اعظم (ناٹ آؤٹ 68) اور محمد رضوان (ناٹ آؤٹ 79) کی شاندار نصف سنچریوں اور 152 رنوں کی ریکارڈ اوپننگ پارٹنرشپ کی مدد سے آئی سی سی ٹی-20 ورلڈ کپ میں ہندوستان کو یکطرفہ انداز میں 10 وکٹوں سے شکست دے کر ورلڈ کپ میں مسلسل پانچ میچوں میں شکست کھانے کا سلسلہ توڑ ...

ٹی۔ 20 ورلڈ کپ: جنوبی افریقہ کو پانچ وکٹوں سے شکست دے کر آسٹریلیا کا فاتحانہ آغاز

آسٹریلیا نے ہفتہ کے روز اپنے گیندبازوں کی شاندار کارکردگی کی بدولت یہاں ٹی 20 ورلڈ کپ 2021 کے افتتاحی میچ میں جنوبی افریقہ کو پانچ وکٹوں سے شکست دے کر پورے پوائنٹس حاصل کئے۔ آسٹریلیا نےجنوبی افریقہ کو گروپ 1 کے اس مقابلے میں نو وکٹوں پر 118 رن کے معمولی اسکور پر روکنے کے بعد 19.4 اوور ...

آئی پی ایل فائنل میں چنئی نے دی کولکاتا نائٹ رائڈرس کو شکست، چنئی بنا چوتھی مرتبہ آئی پی ایل چیمپئن

سلامی بلے باز ڈو پلیسسز (86) کی بہترین نصف سنچری کے ساتھ روبن اتھپا کے (31) اور معین علی کے (ناٹ آؤٹ37) کی جارحانہ اننگز کے نتیجے میں چنئی سپر کنگس نے کولکاتا نائٹ رائڈرس کو  27 رنوں سے شکست دے دی اور چوتھی بار آئی پی ایل چمپئن بننے کا فخر حاصل کرلیا۔ 

آئی پی ایل 2021: کولکاتہ تیسری مرتبہ آئی پی ایل کے فائنل میں ، راہل ترپاٹھی نے چھکا لگا کر دلائی جیت

)  آئی پی ایل 2021 کا خطابی مقابلہ اب کولکاتہ نائٹ رائیڈرس اور چنئی سپرکنگس کے درمیان کھیلا جائے گا ۔ کے کے آر نے کوالیفائر 2 کے میچ میں دہلی کیپیٹلز کو 3 وکٹوں سے شکست دیدی ہے ۔ دہلی کی ٹیم پوائنٹس ٹیبل پر سرفہرست رہی تھی اور اس کو کوالیفائر 1 میں چنئی سپرکنگس نے شکست دی تھی ۔ میچ ...