کاروار میں ’’وجئے جیوتی ‘‘ کا پرتپاک استقبال : 1971کی جنگ میں پاکستان کے خلاف حاصل فتح پر ملک بھر میں منایاجارہاہے جشن
کاروار: 18؍ستمبر(ایس اؤ نیوز)1971کی جنگ میں پاکستان کے خلاف فتح حاصل ہوکر 50سال مکمل ہونے پر منائے جارہے جشن کی مناسبت سے ملک بھر میں چل رہی جیوتی یاترا جمعہ کو کاروار پہنچی ۔ کدمبا بحریہ اڈے پر جیوتی کو کرناٹکا بحریہ زون کے فلیگ کے آفیسر کمانڈنگ رئیر اڈمرل مہیش سنگھ نے استقبال کیا۔
اس موقع پر اخبارنویسوں سے بات کرتےہوئے اڈمرل مہیش سنگھ نے کہاکہ وجئے جیوتی کا استقبال کرنے کا موقع حاصل ہونا اپنی قسمت کی بات ہے، یہ یاترا کاروار میں 24ستمبر تک رہے گی۔ اس دوران وجئے جیوتی کی یاترا کاروار کے بحریہ اڈے کی کشتیوں اور کاروار کے مختلف اسکولوں میں پہنچے گی۔ وجئے جیوتی 22ستمبر کو رویندرناتھ ٹیگور بیچ پر واقع آئی این ایس چاپل جنگی بحریہ میوزیم صحن پہنچے گی ۔ وہاں مرحوم میجر راگھوب رانے کےمجسمہ کو عزت بخشی جائے گی۔ اس پروگرام میں ان کی اہلیہ اور اولاد شریک ہونگے ۔ اس کے بعد وجئے جیوتی ملک کے دیگر شہروں کا رخ کرنے کی جانکاری دی ۔
وجئے جیوتی کوسلامی :کدمبا بحریہ اڈے کے بینگا گیٹ کے ذریعے وجئے جیوتی داخل ہوتے ہی بحریہ کے افسران نے سلامی دی ۔ جیوتی کو پریڈ سے لاتے ہوئے جنگی نشان ’وجئے چوک ‘ پر رئیر اڈمرل مہیش سنگھ کو منتقل کی گئی ۔ انہوں نے وجئے جیوتی کو نصب کرنے کے بعد سلامی دی ۔ اس کے بعد وجئے جیوتی کو آئی این ایس وکرمادتیہ روانہ کی گئی ۔
اس موقع پر رئیر اڈمرل مہیش سنگھ نے کہاکہ 1971کی پاکستان کے خلاف ہوئی جنگ میں بنگلہ دیش کو آزادی دلانے میں ہندوستانی بحریہ فوج کا بہت اہم کردار تھا۔ مشرقی پاکستان کہلانے والے آج بنگلہ دیش سےپاکستانی فوجی دستوں کو بھارتی فوجی دستوں نے نکال باہر کیاتھا۔ اس جنگ میں بھارتی بحریہ کے مختلف جہازوں اور ہتھیاروں کا استعمال ہواتھا۔ بحریہ کے ہزاروں کمانڈوز،آب دوز ماہرین نےشرکت کی تھی ۔ بنگلہ دیش کی مکتی باہنی کے سپاہیوں نے بھرپور تعاون کیاتھا۔ اس طرح مشرقی پاکستان کو علاحدہ کرکے بنگلہ دیش کو آزادی دلائی گئی تھی۔