وزیر دفاع راج ناتھ سنگھ کا دو روزہ کاروار دورہ : ملکی سطح پر تیار کردہ آب دوز میں سمندری سفر ؛ساحلی پٹی کو مضبوط ومستحکم کیاجائے گا

Source: S.O. News Service | By Abu Aisha | Published on 28th May 2022, 12:15 AM | ساحلی خبریں |

کاروار :27؍مئی  (ایس اؤ نیوز) ملک کی ساحل پٹی پر امن و شانتی اور خیر سگالی کو مزید استحکام دینے میں بھارتی بحریہ کو مضبوط کیا جا رہاہے۔ یہ کسی بھی ملک کے خلاف نہیں ہے۔ کاروار کے دو روزہ دورے پر تشریف لائے وزیر دفاع راج ناتھ سنگھ نے ان خیالات کا اظہار کیا۔

وہ یہاں آئی این ایس کدمبا بحریہ اڈے پر اخبارنویسوں سے گفتگو کررہے تھے۔ انہوں نے بتایا کہ ملکی سطح پر تیار کردہ جنگی ہوائی جہاز  ’آئی این ایس وکرانت‘ رواں سال کے یوم ِ آزادی کے موقع پر بحریہ میں شامل کرنےکی تیاریاں جاری ہیں۔ اس کےساتھ ’آئی این ایس وکر مادتیا ‘ جہاز بھی ہے جس کے ساتھ ہی ملک کی ساحلی پٹی مزید مضبوط ہوگی۔

اس سے قبل وزیر دفاع راج ناتھ سنگھ آب دوز  ’آئی این ایس کھنڈیری ‘میں چارگھنٹے سمندری سفر کیا۔ صبح 30-9بجے آب دوز کے اندر چلے گئے تو دوپہر 30-1بجے بحریہ اڈے پر لوٹے ۔ اس سفر کے دوران انہوں نے سمندر کے اندر چلنے والی فوجی کارروائیوں اور ، بحریہ فوجیوں کے فرائض وغیرہ کا نظارہ کیا۔ ’آئی این ایس کھنڈیری ‘ کی خصوصیت یہ ہے کہ یہ آب دوز بھارت میں  ممبئی کے مجگاوں بحریہ تعمیراتی یارڈ میں تیار کی گئی ہے۔ ڈیزل ، الکٹرک آب دوز حملہ کرنےکی قوت رکھتی ہے۔ ’کلوری ‘ نامی6 آب دوزوں میں یہ دوسری ہے۔

وزیر دفاع نے بتایا کہ بحریہ فوج میں شامل کئے جانےو الے 41جہازوں میں سے 39جہاز بھار ت میں ہی تیار کئے  جارہے ہیں، ان میں سے دو آب دوزوں کو بحریہ میں شامل کرنےکی شروعات 2019میں میں نے ہی کی تھی ۔ اب کاروار میں اسی آب دوز میں سفر کرتےہوئے فوجی کاروائیوں کا نظارہ کرنا فخریہ لمحات تھے۔ اس سےپہلے وزیر دفاع نے کاروار کے بحریہ اڈے پر پراجکٹ سی برڈ کے دوسرے مرحلے کے طورپر جاری تعمیراتی کاموں کا معائنہ کیا۔ مکمل ہوئے کاموں اور جاری کاموں پر انہوں نے اطمینان کا اظہار کیا۔ جمعرات کی شام کاروار پہنچے وزیر دفاع نے بحریہ اڈے پر ہی رات گذاری اور جمعہ کی صبح بحریہ کے کامت بیچ پر یوگاکیا۔ اس موقع پر بحریہ فو ج کے اڈمرل آر ہری کمار، مغربی زون کے وائس اڈمرل اجیندر بہادر سنگھ ، کرناٹکا بحریہ زون کے فلاگ آفیسر کمانڈنگ اڈمرل اتول آنند موجود تھے۔

ایک نظر اس پر بھی

موڈ بیدری میں انجینئرنگ کالج کمپاونڈ کی دیوار گرنے سے 4 کاروں کو نقصان 

میجارو گرام پنچایت حدود میں واقع مینگلورو انسٹی ٹیوٹ آف ٹیکنالوجی اینڈ انجینئرنگ (مائٹ) کی کمپاونڈ وال بھاری برسات کی وجہ سے گر گئی جس کے نتیجہ میں حالانکہ کسی کا جانی نقصان نہیں ہوا مگر وہاں پارک کی گئی طلبہ اور والدین کی 4 کاروں کو نقصان پہنچا ۔ 

اتر کنڑا ضلع میں موسلادھار بارش جاری : یلاپور میں بجلی لائن درستی کے دوران ایک شخص فوت ،درخت اور بجلی کے کھمبے گرنےسے نقصانات

اترکنڑا ضلع میں منگل کو بھی موسلادھار بارش جاری رہی۔ کاروار، بھٹکل ، سرسی ، یلاپور سمیت کئی تعلقہ جات میں رک رک کر طوفانی ہواؤں کےساتھ تیز رفتار بارش برستی رہی ہے۔ سڑکیں، قومی شاہراہیں ، گلی محلوں میں بارش کا پانی جمع ہونےسے چھوٹے چھوٹے تالاب بن گئے ہیں ، بجلی کے کھمبے اور ...

بھٹکل سمیت اُترکنڑا میں موسلادھار بارش کا سلسلہ جاری؛ کل بدھ کو بھی اسکولوں اور کالجوں میں چھٹی کا اعلان

بھٹکل سمیت ضلع اُترکنڑا میں موسلادھار بارش کا سلسلہ جاری ہے جسے  دیکھتے ہوئے اُترکنڑا  ڈپٹی کمشنر ملئے مہیلن نے کل بدھ کو بھی پیشگی حفاظتی انتظامات کے تحت  اسکول اور کالجس سمیت تمام تعلیمی اداروں میں چھٹی کا اعلان کیا ہے۔ بھٹکل کی طرح ہوناور، کمٹہ ، انکولہ اور کاروار میں ...