اترکنڑا ضلع پنچایت کو 5.97کروڑروپئے کی امداد : آبادی اور جغرافیائی وسعت کے مطابق امداد کی منظوری کا فیصلہ
کاروار:20؍جولائی (ایس اؤ نیوز) فورتھ فائنانس کمیشن کی سفارشات کے تحت سال 2019-2020کے لئے ضلع پنچایتوں کی امداد میں اضافہ کیاگیا ہے۔ جس کےمطابق ریاستی حکومت نے بیلگام ضلع کو 8کروڑرو پئے منظور ہوئے ہیں تو اترکنڑا ضلع کے لئے 5.74کروڑ روپئے کی امداد منظور کی ہے۔
جغرافیائی وسعت اور آبادی کےمطابق ضلع پنچایتوں کو امداد دی گئی ہے۔ اترکنڑا ضلع میں 10،51،701آبادی ہے تو اس کی جغرافیائی وسعت 990270.27ہیکڑ ہے۔ ریاستی کابینہ کی توثیق کے مطابق دیہی ترقی و پنچایت راج وزارت نے اتر کنڑا ضلع کو سال 2019-2020کے لئے 5،74،47،412روپئے منظور کیا ہے۔ اسی اصول کے مطابق بیلگام کو 8کروڑروپئے کی امداد دی گئی ہے۔
فورتھ فائنانس کمیشن کی طرف سے ریاستی حکومت کو سونپی گئی رپورٹ میں مقامی ضروریات کودھیان میں رکھتے ہوئے آسان اصولوں اور ضوابط کے ساتھ امداد منظور کرنےکی سفارش کی تھی ۔ وزارت دیہی ترقی اور پنچایت راج نے سفارشات کے مطابق ضلع اور تعلقہ پنچایتوں کو معاشی امداد فراہم کی ہے۔ فورتھ فائنانس کمیشن آبادی کو 90فی صد اور جغرافیائی وسعت کو 10فی صد امداد مہیا کرتی ہے۔ اسی طرح ہر تعلقہ پنچایت کو 2کروڑروپئے یکساں تقسیم کرنےکا ریاستی حکومت نے فیصلہ کیا ہے۔
متعلقہ سفارشات کے اصولوں کےمطابق ضلع پنچایت کو کم سے کم 4کروڑ روپیوں سے 8کروڑروپئے آبادی اور جغرافیائی وسعت کے مطابق تقسیم کئے جائیں گے ۔ جس کےنتیجےمیں ہر معاشی سال ضلع پنچایت کو کل 172.07کروڑروپئے اور تعلقہ پنچایت کو یکساں دو کروڑ روپئے کے مطابق کل 354کروڑ روپئے اور سال 2020-2021کے معاشی سال کے لئے 3کروڑ کے مطابق کل 531کروڑروپئے کی امداد منظور کرنےکا ریاستی حکومت نے فیصلہ کئے جانے کا وزارت کے جوائنٹ سکریٹری اور ڈائرکٹر ایس ایم ذالفقار اللہ نے جانکاری دی ۔