کاروار: ’راک گارڈن‘ کے پاس سیاحوں کی کار وں سے رقم اورقیمتی سامان اڑالیا گیا
کاروار5/مئی (ایس او نیوز)شہر میں واقع ’راک گارڈن‘ کی سیر کے لئے آنے والے سیاحوں کی کاروں کا شیشہ توڑ کراس میں موجودنقد رقم اور قیمتی سامان اڑا لے جانے کی واردات جمعہ کے دن پیش آئی ہے۔
بتایاجاتا ہے کہ شرپسندوں نے راک گارڈن کے باہر کھڑی کی گئی ایک اومنی اور انووا کارکے شیشے توڑکر چوری کی واردات انجام دی ہے۔اومنی کار میں گوا کی ایک فیملی سیر کے لئے آئی ہوئی تھی۔ چوروں نے کار میں موجود کپڑوں اور کچھ قیمتی اشیاء سے بھری بیگ ہی اڑالی ہے۔اس کے علاوہ ذرا دوری پر پارک کی گئی دوسری انووا کار کے شیشے توڑ کر چورایک لیڈیز بیگ اٹھا لے گئے ہیں جس کے اندر ہزاروں روپے نقد اور کچھ قیمتی چیزیں موجود ہونے کی بات کہی گئی ہے۔ اس واردات کی خبر ملنے پر ٹاؤن پولیس اسٹیشن کے افسران نے موقع پر پہنچ کر معائنہ کیا۔اور معاملہ درج کرنے کے بعد تحقیقات شروع کردی گئی ہے۔
عوام اس بات پر تعجب کررہے ہیں کہ شام کے وقت راک گارڈن کے اطراف لوگوں کی چہل پہل بہت زیادہ رہتی ہے اس کے باوجود کاروں کے شیشے توڈ کر لوٹ مار مچانے چورکتنے چالاک اور قانون سے کس طرح بے خوف ہونگے۔عوام کا احساس ہے کہ اس طرح کی وارداتوں سے کاروار میں سیاحت کو فروغ دینے کی جو کوششیں ہورہی ہیں اس پر برا اثر پڑے گا۔ اس لئے پولیس کو اپنی پٹرولنگ اور بیٹ بڑھانی چاہیے اس کے علاوہ راک گارڈن کے اطراف میں سڑک پر لائٹ کا مناسب کیا جانا چاہیے۔
