کاروار:12؍نومبر(ایس اؤ نیوز) قرآن ، بائیبل اور بھگوت گیتا سمیت کوئی بھی مذہبی کتاب نفرت کی تعلیم نہیں دیتی ، ہر ایک مذہب انسانوں سے پیار و محبت کی تعلیم دیتی ہیں۔ کاروار کےسماجی کارکن ،جن شکتی ویدیکے کے صدر مادھونایک نے ان خیالات کا اظہار کیا۔
شہر کے سبھاش سرکل پر منگل کو جماعت اسلامی ہند کرناٹکا شعبہ رابطہ ملت اترکنڑا کی طرف سے سیرت مہم کی مناسبت سے بزبان کنڑا سیرت کتاب کا اجراء کرنے کے بعد وہ اپنے خیالات کااظہار کررہے تھے۔ انہوں نے اس بات پر خوشی جتائی کہ مسلمانوں کےساتھ ساتھ دیگر مذاہب کے لوگوں کے درمیان بھی حضرت محمد ؐ کی سیرت کا کتابچہ تقسیم کرنا ان کی تعلیمات سے آگاہی کی جارہی ہے۔ ضرورت اس بات کی ہے کہ سب اپنے اپنے مذاہب کی کتابوں پر عمل کریں ، دوسروں سے نفرت نہ کریں۔
رابطہ ملت کے ضلع جنرل سکریٹری محمد طلحہ سدی باپا نے کہاکہ حضرت محمد ﷺ کی تعلیمات آفاقی ہیں، ان کی سیرت اس وقت ملک کے لئے بہت ضروری ہیں، چونکہ ہم سب ایک ہی خاندان سے ہیں اس لئے تمام انسانوں کے درمیان حضرت محمد ﷺ کی سیرت کو عام کرنے کے لئے مٹھائی کے ساتھ کتابچے تقسیم کئے جانے کی بات کہی۔ اس موقع پر خلیل اللہ ، الطاف شیخ ،محمد اقبال شیخ ، عطاء اللہ وغیرہ موجود تھے۔