کاروار:18؍ستمبر(ایس اؤ نیوز)شہر کے سونارواڑا علاقے کے ایک کھیت میں صبح سویرے گھاس چرتے ایک بچھڑے کو 8.6فٹ لمبا اژدھا نگلنے کی کوشش کی۔ بچھڑا سانپ کے منہ سے چھٹکارا پانے کی ہر ممکن کوشش کرنےکے بعد تڑپ تڑپ کر ہلاک ہونے کا واقعہ پیش آیاہے۔

کھیتی کے قریب چرتے ہوئے بچھڑے کو اچانک اژدھے نے اپنی پکڑ میں لے کر نگلنا شروع کیا۔ بچھڑے کی ماں بھی گھبراہٹ میں ادھر ادھر بھاگ دوڑ کرتے ہوئے پاس پڑوس  کے لوگوں کو حالات سے واقف کرانے کی اپنی سی کوشش کی۔ لوگ قریب پہنچ کر بچھڑے کو بچانےکی کوشش کرتے کہ وہ اپنی آخری سانس لے چکا تھا۔ اتنے میں جائے وقوع پہنچے فاریسٹ افسران نے مردہ بچھڑے کو اژدھے کے منہ سے نکال کر الگ کیا اور سانپ کو جنگل میں چھوڑدیا۔