کاروار: مرکزی حکومت کے خلاف احتجاجی تشہیری مہم : مودی حکومت کارپوریٹ کمپنیوں کےسامنےجھک گئی ہے: شانتا رام نایک
بھٹکل:4؍اگست(ایس اؤ نیوز)مرکزی حکومت کی مزدور مخالف ، کسان مخالف، عوام مخالف ، ملک مخالف پالیسی کے خلاف مختلف مزدور تنظیموں اوریونینس کی طرف سے ملک بھر میں یکم اگست سے15دنوں تک احتجاجی تشہیری مہم منائی جائے گی۔ اس بات کا اعلان کرناٹک پرانت رعیت سنگھ کے ضلع صدر شانتارام نایک نےکیا۔
پریس کانفرنس میں بات کرتےہوئے انہوں نےکہاکہ سی آئی ٹی یو ، اکھل بھارت کسان سبھا(اے آئی کے ایس)، اکھل بھارت کرشی کولیکاررسنگھ (اے آئی اے ڈبلیو یو)مشترکہ طورپر 15دنوں تک ملک بھر میں احتجاجی تشہیری مہم چلائیں گے۔ مزدوراور کسان تنظیموں کےکارکنان مزدوروں، کسانوں ، زرعی مزدوروں اور یومیہ مزدوروں کے مطالبات پر مشتمل پمفلٹ ملک کے کونےکونے میں تقسیم کیاجائےگا مختلف جگہوں پر جلسوں کا اہتمام کیاجائے گاپھر دیگر ذرائع کا استعمال کرتےہوئے اپنی بات عوام تک پہنچائے جانےکی جانکاری دی ۔ مہم کے دوران آزادی کی جدوجہد میں مزدوروں اور کسانوں کے کردار کو اجاگر کیاجائے گا۔ آزادی کی جدوجہد میں آر ایس ایس کے رویے اور عوام سے کئے گئے دھوکہ دہی کو ظاہر کیاجائےگا۔
کوئٹ انڈیا کی مناسبت سے 8اگست کو تنظیموں کی جانب سے مشترکہ طورپر ضلعی مقامات پر علامتی احتجاج کیاجائےگا۔ آزادی کا امرت مہوتسوا کے نام پر زوردار تشہیر کرنے والی مودی کے اقتدار میں مزدوروں ، کسانوں ، زرعی مزدوروں ، دست کاروں اور یومیہ مزدوروں سمیت سبھی طبقات کے حالات ابتر ہوگئے ہیں، عوام پر حد سے زیادہ بوجھ ڈالا گیا ہے، عوام کو معاوضہ دینےکے بجائے بڑےبڑے کارپوریٹ کمپنیوں کو ترجیح اور رعایت دی جارہی ہے۔ سبھی ضروری اشیاء کی قیمتوں میں بہت زیادہ اضافہ ہوا ہے، مزدوروں کے مشاہیروں میں بہت کمی کئےجانے کا انہوں نےالزام لگایا ۔
غریب کسانوں کو زراعت کرنا ہی دشوار ہوگیا ہے۔ بے روزگاری خطرناک صورت حال کا شکار ہورہی ہے، اقلیتوں کے بنیادی حقوق پر حملے ہورہےہیں، مودی حکومت کی طرف سے کئے گئے سبھی وعدے جھوٹے ہوگئےہیں۔ پرچم اصولوں میں ترمیم کرنا صحیح نہیں ہے۔ پالسٹر جھنڈا ماحولیات کے لئے نقصان دہ ہے اور جو جھنڈے بنتے ہیں ان کو مالی طورپر نقصان ہورہاہے۔ ان حالات میں سی آئی ٹی یو دیگر تنظیموں کے ساتھ آر ایس ایس کی رہنمائی میں چلنے والی مودی حکومت کی فرقہ وارانہ پالیسی کی سخت مخالفت کرتےہوئے عوام کے سامنے تقسیمی ایجنڈے کوظاہر کرے گی۔ انہی مقاصد کے لئے مہم منائےجانےکا اعلان کیاگیا ہے۔ اس موقع پر کرناٹک پرانت رعیت سنگھ کے سنتوش نائک، سی آئی ٹی یو کے ایچ بی نایک، ناگیش گوڈا، بومیانائک، شیسو نائک، بولاگوڈا، ناگپا نائک وغیرہ موجود تھے۔