کاروار سنڈے مارکیٹ میں پیاز کی قیمتوں سے گاہکوں کے آنسوجاری : فی کلو گرام 200روپئے
کاروار:09؍دسمبر(ایس اؤ نیوز)دن بدن آسمانی کو چھوتی پیاز کی قیمتوں سے گاہکوں کے آنسو رکنے کا نام نہیں لے رہےہیں، دو تین دن قبل فی کلو 150روپئے میں بکنے والی پیاز اتوار کے سنڈے مارکیٹ میں 200روپئے فی کلو فروخت ہورہی تھی۔
مارکیٹ میں پونا سے لائی گئی پیاز کو گاہکوں نے ایک کے جی 200روپئے دے کر خریدے ، ریاست کے دیگر مقامات سے سپلائی ہوئی پیاز کچھ اچھی نہیں ہونے کی بنا پر فی کلو گرام 160روپئے کی قیمت تھی۔ بہت ہی خراب، کچی اور تھوڑی بہت سڑی ہوئی پیاز کی قیمت 100روپئے سے 120روپئے تک ایک کلو گرام پر بیچی جارہی تھی۔ پیاز کی قیمتوں کو دیکھتے ہوئے گاہکوں نے بھی بہت زیادہ خریدار ی نہ کرتے ہوئے وقت گزاری کے لئے ضروری پیاز خریدتے ہوئے دیکھے گئے۔
بیوپاریوں کو نقصان : اس سے پہلے جب کبھی سنڈے مارکیٹ کے لئے ہم لوگ پیاز وغیرہ لےکر آتے تھے تو ایک دن میں 15 سے 20ہزارروپیوں کی پیاز بیچتے تھے، مگر اس ہفتہ پیاز کی قیمتیں زیادہ ہونے سے گاہک آگے نہیں بڑھے ، صرف قیمت پوچھ کر لوٹ گئے۔ اس ہفتہ ہم نے مارکیٹ میں صرف 2000روپئے کا بیوپار ہونے کی ہاویری سے تعلق رکھنے والے پیاز بیوپاری سئی ناد نےجانکاری دی ۔