کاروار:اَن لاک 1.0کے دوران طبی سروے کاکام جاری رہے گا۔ ضلع شمالی کینرا ڈپٹی کمشنر کا بیان

Source: S.O. News Service | Published on 10th June 2020, 12:05 PM | ساحلی خبریں |

کاروار،10؍جون (ایس او نیوز) ضلع شمالی کینرا کے ڈپٹی کمشنر ڈاکٹر ہریش کمار نے ضلع رنگ مندر میں آشا کارکنان، آنگن واڈی کارکنان، ولیج اکاونٹنٹس اور پنچایت ڈیولپمنٹ افسران کی ایک نششت سے خطاب کرتے ہوئے کہا کہ اَن لاک 1.0کے دوران بھی طبی سروے کا کام جاری رکھنا ہوگا۔

انہوں نے کہا کہ اَن لاک کا جو دور شروع ہوا ہے اس میں بیرون ضلع اور دیگر ریاستوں سے لوگوں کی آمد بڑھ گئی ہے۔ اس لئے ایسے افراد پر نظر رکھتے ہوئے نتیجہ خیز انداز میں سروے کرنا بے حد ضروری ہے۔اس کے علاوہ کسی بھی علاقے کے رہائشی افراد کے علاوہ دوسرے علاقے سے اگر کوئی آتا ہے تو پھر اس کی نشاندہی کرنے اور ان لوگوں کو کووِڈ 19کے تعلق سے ضروری معلومات فراہم کرنے کا کام بھی ہونا چاہیے۔ انہوں نے آشا کارکنان سے مخاطب ہوتے ہوئے ہدایت دی کہ وہ جب سروے کے لئے لوگوں کو گھروں پر جائیں تو وہاں پر موجود لوگوں کے اندر مرض کی علامات پائے جانے کے تعلق سے بہت ہوشیاری کے ساتھ جانکاری لینے کی کوشش کریں۔چونکہ اب کووِڈ 19کے ساتھ ہی زندگی گزارنا ہے اس لئے لوگوں کو اس ضمن میں مناسب احتیاطی تدابیر کی پوری طرح معلومات دینا اوران کے اندر بیداری لانا ضروری ہے۔

 ڈی سی ہریش کمار نے بتایا کہ برسات کے موسم میں سردی، بخار اور کھانسی کی شکایات بڑھ جاتی ہیں۔ اس لئے مناسب سروے کی بہت زیادہ اہمیت ہے۔ پیرامیڈیکل اسٹاف کو800 تھرمل اسکیانر فراہم کیے گئے ہیں۔ اب ایس ایس ایل سی امتحان کے لئے مزید اسکیانر س موصول ہونے والے ہیں، جن کا استعمال سروے کے لئے کیا جاسکے گا۔

 اس موقع پر ضلع ایس پی شیواپرکاش دیوراج، اسسٹنٹ کمشنر پریانگا، تحصیلدار رامچندرا وغیرہ موجود تھے۔

ایک نظر اس پر بھی

کاروار:ایس ایس ایل سی امتحان کے نتائج۔ سرسی کی سنّدھی ہیگڈے نے پایا ریاست میں پہلا رینک

امسال ریاست میں ایس ایس ایل سی کے جو امتحانات ہوئے تھے اس کا سامنا طلبہ نے کووڈ وباء کے پس منظر میں ذہنی تناؤ کے ساتھ کیا تھا۔اس کے بعد کافی دنوں سے طلبہ بڑی بے چینی کے ساتھ اپنے نتائج کا انتظار کررہے تھے۔

یلاپورکے دیہات میں محکمہ جنگلات کے افسران اور عملے کی طرف سے مسلسل ہراسانی کے خلاف بھٹکل میں دیا گیا میمورنڈم

ضلع شمالی کینرا کے یلاپور تعلقہ میں گولاپور نامی دیہاتی علاقے میں رہائش پزیر ایک 70سالہ خاتون اوراس کے خاندان کو محکمہ جنگلات کے افسران اور عملے کی جانب سے مسلسل ہراساں کیے جانے کا الزام لگاتے ہوئے جنگلاتی زمین پر بسنے والے لوگوں کے حقوق کے لیے جدوجہد میں مصروف تنظیم نے وزیر ...