کاروار: کرناٹکا اوپن یونیورسٹی کے لئے بی اے ، بی کام، ایم اے ، ایم کام داخلے کے لئے عرضیاں مطلوب: خواہش مند طلبا توجہ دیں
کاروار :25/ستمبر(ایس اؤ نیوز)کرناٹکا اوپن یونیورسٹی کے 2018-2019کے تعلیمی سال سے لے کر 2022-2023تک یوجی سی کی طرف سے تصدیق کردہ بی اے ،بی کام ، بی لب،اور ایم اے کے مختلف کورسس کے لئے عرضیاں مطلوب ہیں۔ داخلے کے لئے بغیر جرمانہ کے 1اکتوبر آخری تاریخ ہونے کی پریس ریلیز میں جانکاری دی گئی ہے۔
بی اے ، بی کام، بی لب، ایم اے کنڑا، اردو، انگریزی ، ہندی ، قدیم تاریخ اور آثار قدیمہ کامطالعہ، تاریخ، اکنامکس، پالیٹیکل سائنس، پبلک ایڈمنسٹریشن ، سماجی سائنس، جرنلزم ، ایم کام، ایم لب اور ایم ایس سی ماحولیات جیسے کورسس میں خواہش مند طلبا داخلہ لے سکتےہیں۔ داخلہ جات میں بی پی ایل رکھنے والے طالبات کو داخلہ فیس میں رعایت دی گئی ہے۔ پُر کردہ داخلہ فارم کرناٹکا اوپن یونیورسٹی کاروار ریجنل سنٹر میں سونپے جانے پر وہیں نصاب اور شناختی کارڈ دے کر داخلہ دیا جائے گا۔ اس سلسلے میں زائد جانکاری کے لئے ریجنل سنٹر پہلی منزل، یو ایس ایس کے وی ، پرانی بلڈنگ نزد سویتا ہوٹل کاروار اور موبائیل نمبر 9986458055-8971618663-8990201362پر رابطہ کرنے کی اپیل کی گئی ہے۔