کاروار میڈیکل کالج کی پہلی ایم بی بی ایس بیچ سے 124طلبا کامیاب : سبھی کامیاب طلبا ضلع کے مختلف اسپتالوں میں دیں گے خدمات
کاروار:3؍ مئی (ایس اؤ نیوز)شہر کی میڈیکل سائنس سنٹر (کمس) کے پہلی ایم بی بی ایس بیچ (2016)کے نتائج کا راجیو گاندھی میڈیکل سائنس یونیورسٹی نے اعلان کیا ہے ۔ جس کےمطابق امتحان میں شریک 135 میں سے 124طلبا و طالبات کامیاب ہوئے ہیں ، ان میں سے تین طلبا امتیازی نمبرات کے ساتھ کامیاب ہونا بہت اہم مانا جارہاہے۔
انکولہ کی سہنا نائک 76.40فی صد نمبرات کے ساتھ کریمس کالج میں اول مقام حاصل کیا ہے تو ٹمکور کی سُمنا ایس 76فی صد کے ساتھ دوسرا اور کاروار کی شریا دیسائی 75.14فی صد کے ساتھ تیسرا مقام حاصل کیا ہے۔ 124طلبا میں سے 61 اول درجے میں 60دوم درجے میں کامیاب ہوئے ہیں۔ کامیاب ہونے والوں میں 67طلبا ہیں تو 57طالبات ہیں۔
کمس ادارے کے ڈائرکٹر ڈاکٹر گجانن نائک نے طلبا کی کامیابی پر مسرت کا اظہار کرتےہوئے کہاکہ کامیاب ہونےو الے سبھی طلبا وطالبا ت کو 4مئی سے اگلے ایک برس تک اترکنڑا ضلع کے مختلف سرکاری اسپتالوں میں خدمات انجام دینی ہونگی۔ خاص کر انہیں اس وقت کووڈ سے متعلقہ فرائض کو انجام دینا ہوگا۔ فی الحال ضلع میں عارضی طورپر ہی سہی ڈاکٹروں کی قلت کا مسئلہ حل ہوگیا ہے۔