کاروار:28؍ ستمبر(ایس اؤ نیوز)پچھلے دو دہوں سے سیاست اور ماحولیات کی نذر ہونےوالے ہبلی ۔ انکولہ ریلوے لائن منصوبے کاماحولیاتی طورپر معائنہ کرنےپہنچی مرکزی قومی جنگلات کمیٹی کی طرف سے عوامی  پیش کش کی سماعت اور عرضیوں کی حصولیابی کےلئے 28ستمبر کی صبح ڈی سی دفتر میں منعقدہ میٹنگ میں حالیہ رکن اسمبلی روپالی نائک اور سابق رکن اسمبلی ستیش نائک کے درمیان  لفظی جھڑپ  اورچیخ  پکار دیکھنے کو ملی۔

ڈی سی دفتر ہال میں قومی جنگلات کمیٹی  ہبلی ۔ انکولہ ریلوےلائن کے متعلق عوامی سطح پر تحریری مطالبات، شکایات اور آراء کی وصولیابی کےلئے میٹنگ منعقد کی تھی ۔ متعلقہ میٹنگ کو دیکھتے ہوئے ریلوے لائن کی حمایت والی کمیٹیاں بھی تیاری میں تھیں تو میٹنگ  میں شرکت کےلئے عوام امڈ پڑے۔   ہال میں جگہ کی کمی ہونے لگی۔ اسی دوران سابق رکن اسمبلی ستیش سئیل نے کہاکہ میٹنگ کےلئے زیادہ عوام آئےہیں ہال میں ان کے لئے جگہ نہیں ہے باہر میدان میں میٹنگ کریں تو بہتر ہے۔ ڈی سی  نے کہاکہ باہر میدان میں عوامی میٹنگ مناسب نہیں ہے کوئی بحث وغیرہ کرنی تو نہیں ہے صرف تحریری طورپر اپنی بات کمیٹی تک پہنچانی ہے ، 15منٹ کے اندر ہال میں ہی سبھی کےلئے جگہ فراہم کرنےکی بات کہتے ہوئے میٹنگ 15منٹ کےلئے ملتوی کی۔ لیکن سابق رکن اسمبلی ستیش سئیل اپنی بات پر زور دیتے رہے تو وہاں موجود رکن اسمبلی روپالی نائک نے ستیش سئیل کی مخالفت کرتے ہوئے  اونچی آواز میں کہنےلگیں کہ عوام سےپوچھ کر میٹنگ منعقد نہیں کی جاتی ہے۔ تمہیں جہاں جگہ دی گئی ہےوہاں بیٹھو، ہمیشہ جھگڑا مت کرو، جہاں دیکھو وہاں صرف جھگڑا جھگڑا کرتےرہتےہو، ہر جگہ سیاست مت کرو۔ ڈی سی کے سامنے ہی دونوں کے درمیان چیخ  پکار ہونے لگی۔ ڈی سی نے رکن اسمبلی کو مطمئن کرنےکی کوشش کی۔ لیکن روپالی نائک اونچی آواز میں بولنا جاری رکھا اور ستیش سئیل کو مخاطب کرتےہوئےکہاکہ اتنا زور عوام کو انصاف دلانے کےلئے استعمال کیوں نہیں کرتے۔ ہرجگہ ناٹک کرتےہو، ہرجگہ سیاست کرتےہوئے کاروار شہر کو سبھی نے مل کر برباد کیا ہے۔ اسی دوران سابق رکن اسمبلی ستیش سئیل ،یلاپور کے رکن اسمبلی اور وزیر شیورام ہیبار کے ساتھ بھی باہر میدان میں میٹنگ منعقد کرنےکے متعلق بات چیت کرتےہوئےدیکھاگیا۔