کاروار:22؍جون(ایس اؤ نیوز)کورونا پر قابو پانے کے لئے حکومتیں کام کررہی ہیں، ملک بھر میں 21جون سے شروع ہوئے مفت کووڈ ٹیکہ مہم میں ہرایک ٹیکہ لگاتے ہوئے اپنی جان کی حفاظت کا سامان کرنے کی رکن اسمبلی روپالی نائک نے عوام سے اپیل کی۔

ضلع رنگ مندر میں ضلع انتظامیہ ، ضلع پنچایت، میونسپالٹی کارروار، ضلع صحت عامہ محکمہ کے اشتراک سےمنعقدہ مفت ٹیکہ مہم کاافتتاح کرنے کے بعد وہ خطاب کررہی تھیں۔ انہوں نے کہاکہ ہر ایک کو مفت میں ٹیکہ فراہم کرنا اہم کام ہے۔ ٹیکہ لگوانےکی بہت بڑی مہم ملکی سطح پر جاری ہے۔ جس کے تحت کاروار میں قریب 5ہزار ٹیکہ لگوانے کا ہدف ہے۔ کورونا کی پہلی اور دوسری لہر میں کئی جانی ومالی نقصان ہوئے ہیں۔ اس کے علاوہ ماہرین نے آئندہ دنوں میں کورونا کی تیسری لہر کا خدشہ ظاہر کیاہے۔ اس سلسلے میں عوام بیدار رہیں اور احتیاطی تدابیر اختیار کرتےہوئے اپنی جان کی حفاظت کریں۔ جنہوں نے ٹیکے کے دونوں ڈوز لئے ہیں ان میں موت کا خطرہ بہت ہی کم ہے۔ عوام کو چاہئے کہ وہ لازمی طورپر ٹیکہ لگوائیں۔

اترکنڑا ضلع ڈپٹی کمشنر ملئی مہیلن نے خطاب کرتےہوئےعوام سے اپیل کی کہ لاک ڈاؤن کی ڈھیل کے بہانے عوام غیر ضروری بھاگ دوڑ نہ کریں۔ ریاستی حکومت کی طرف سے جاری کردہ گائیڈ لائنس پر لازمی طورپر عمل کریں۔ ہم سبھی نے کورونا کی پہلی اور دوسری لہر سے کئی ساری مشکلات و مصیبتوں کو جھیلے ہیں، جانوں کا نقصان اٹھایا ہے توتیسری لہر کے متعلق پیشگی طورپر چوکنا رہنے کی صلاح دی۔ کورونا کو قابو میں لانے کے لئے ضلعی انتظامیہ نے بے شمار پیشگی احتیاطی اقدامات کرنےجارہی ہے جس کے لئے عوام کا تعاون ضروری ہونےکی بات کہی۔ ڈی سی نے کہاکہ ضلع میں ٹیکوں کی زیادہ مانگ ہے۔ ہر ایک تلاش کرکے ٹیکہ لے رہے ہیں۔ مہم کے ذریعے ہر دن کم سے کم 10 سے 12ہزار افراد کو ٹیکہ لگوانے کا ہدف بنایاگیاہے۔

ضلع پنچایت سی ای اؤ پریانگا ایم ، ضلع ایس پی شیوپرکاش دیوراج، اسسٹنٹ کمشنر ودیا شری چندرگی ، میونسپالٹی صدر ڈاکٹر نتین پکلے، ضلع صحت عامہ کے ضلع میڈیکل آفیسر ڈاکٹر شرد نایک ، آر ایچ اؤ ڈاکٹر رمیش راو سمیت کئی لوگ موجود تھے۔