کاروار:06؍اپریل (ایس او نیوز) کاروار کی  تجارتی بندرگاہ امسال 2018-2019میں ریکارڈ لین دین کیا ہے۔ کل 16.69 کروڑ  روپئے کی کمائی کی ہے، گزشتہ سال کی کمائی سے یہ 43.89فی صد زائد ہے۔ بندرگاہ پر موجود کیچڑ نکال باہر کرنے سے کشتیاں زیادہ کی تعداد میں بندرگاہ پہنچنا ممکن ہوا۔ جس کے نتیجے میں کمائی میں اضافہ ہونےکی افسران نے جانکاری دی ۔

بندرگاہ سے ہوئی لین دین کی جانکاری دیتے ہوئے بندرگاہ افسر کیاپٹن سی سوامی نے بتایاکہ امسال کاروار بندرگاہ کو  157کشتیاں آئیں، جب کہ گزشتہ سال 133کشتیاں یہاں پہنچیں جس کےمطابق 15.2فی صد اضافہ ہواہے۔ انکم ٹیکس محکمہ کی امسال کل کمائی 283.60کروڑ روپئے ہے ،قابل غور ہے کہ  محکمہ صرف تارکول (ڈامبر) در آمد سے ہی 152کروڑ روپیوں کی کمائی کیا ہے۔ 2.99کروڑ روپئے ٹیکس کی ادائیگی ہونے کی جانکاری دی۔

کاروار بندرگاہ کی سرگرمیوں کے اعداد و شمارات کچھ اس طرح ہیں۔کاروار بندرگاہ پر  7،56،434میٹرک ٹن اشیاء کی در آمد ہوئی ہے۔ 1،83،853میٹرک ٹن اشیاء کی بر آمد ہوئی ہے کل 9،40،287میٹرک ٹن اشیاء کی سرگرمیاں انجام دی گئی ہیں۔ کاروار بندرگاہ کل 16،69،42،000روپئے کی کمائی کرنےکی معلومات دیں۔

مرکزی حکومت کاروار بندرگاہ کو ویزل ٹرافک مینجمنٹ سسٹم (VTMS) کے لئے منتخب کی ہے،ٹکنکل اور معاشی سہولیات کے لئے 11.08کروڑروپئے طئے کیا گیا ہے۔ امید کی جارہی ہے کہ اس سے بندرگاہ کی سکیورٹی میں اضافہ ہوگا اس معاشی سال کے مکمل ہونے سے پہلے یہ کام مکمل ہونے کی بات کہی۔ اس کے علاوہ بھی بہت سارے منصوبوں کو جاری کیاگیا ہے جس کی کارروائی جاری ہے۔

بندرگاہوں کی ترقی اور اندرونی آبی نقل وحمل کی ترقی کے لئے کرناٹکا میریٹائم بورڈ کی تشکیل کی گئی ہے۔ جس کے لئے آفیسرکا تقرر کیاگیاہے اور اس کا دفتر کاروا ر میں ہوگا۔ ان تمام وجوہات کی بنا کاروار بندرگاہ کو مزید قوت حاصل ہونے کا اعتماد جتایا۔