بنگلورو ،5/ستمبر (ایس او نیوز/ایجنسی)پولیس کی اذیت برداشت نہ کرتے ہوئے ایک خاتون نے نیند کی گولیاں کھاتے ہوئے ویڈیوریکارڈ کرکے خود کشی کرلی۔یہ واقعہ شہر کے قلعہ محلہ میں پیش آیا۔
خود کشی کرنے والی عورت کی شناخت قلعہ محلہ کی ساکنہ مادھوری (31) کے طور پر کی گئی ہے۔پچھلی جمعرات کو شہر کے ریلوے اسٹیشن کے قریب مادھوری اور جیوتی کے درمیان لین دین کے معاملے کولے کر جھگڑا ہواتھا،جس کے بعد مادھوری نے شکایت درج کرانے کیلئے پولیس اسٹیشن پہنچی،مگراس کے خلاف دھوکہ دہی کا معاملہ درج رہنے کے سبب اس کی شکایت قبول کرنے سے پولیس نے انکار کردیا۔
پولیس کے اس رویے سے بیزار ہوکر انصاف طلب کرنے کیلئے پولیس تھانہ جانے سے انہی کی بے عزتی کرنے سے دل برداشتہ ہوکر مادھوری نے نیند کی گولیاں کھاکر خودکشی کرلی۔خودکشی کرتے وقت اس نے ویڈیو ریکارڈ کیااو ر رام نگرم ضلع کے پولیس سپرنٹنڈنٹ سے گزارش کی کہ اس کی مو ت کیلئے انصاف دلائیں۔
مادھوری نے چن پٹن ٹاؤن کی پولیس انسپکٹر شوبھا اور پولیس عملہ کے خلاف سنگین الزام لگایاہے۔نیند کی گولیاں کھاکر خودکشی کرنے والی مادھوری کو فوری طورپر اسپتال لے جایاگیا،بعد میں اسے منڈیا کے ویمس اسپتال منتقل کیاگیا،جہاں علاج ممکن نہ ہونے کے سبب آخری سانس لی۔