کارکلا،  8 / اپریل (ایس او نیوز) کارکلا دیہی پولیس نے بارابئیلو گورنمنٹ ہائیر پرائمری اسکول کے ہیڈ ماسٹر کو تقریباً 14 طالبات کے ساتھ جنسی زیادتی کرنے کے الزام میں گرفتار کر لیا ۔ 
    
گرفتار شدہ ملزم کی شناخت راجیندرا اچار (58 سال) کے طور پر کی گئی ہے جو کہ مہالنگیشورا مندر کا چیف پجاری بھی ہے ۔
    
پولیس کے پاس درج کی گئی شکایت کے مطابق 5 جون 2023 سے 3 اپریل 2024 تک ملزم راجیندرا اچار نے مبینہ طور پر اسکول کی لڑکیوں کے ساتھ مسلسل جنسی زیادتیاں کی ہیں ۔ اس کے علاوہ ایک متاثرہ لڑکی کی بڑی بہن کو بھی اس نے وہاٹس ایپ کے ذریعے فحش پیغامات بھی ارسال کیے تھے ۔ 
    
بتایا جاتا ہے کہ ملزم راجیندرا کے خلاف کئی مرتبہ شکایتیں ملی تھیں اور گاوں کے لوگوں نے اسے سمجھانے بجھانے کے علاوہ سخت وارننگ بھی دی تھی ، لیکن وہ اپنی چال چلتا رہا ۔ اس کےبعد اڈپی ویمن اینڈ چائلڈ ویلفیئر ڈپارٹمنٹ کی بہبودی اطفال یونٹ نے اسکول پہنچ کر تفصیلی جانچ پڑتال کی ۔ کم از کم 14 کم عمر طالبات نے طرف سے اسکول ہیڈ ماسٹر راجیندرا کے خلاف جنسی ہراسانیوں کی شکایت کی ۔ اس معاملے سے متعلق تمام ضروری ثبوت حاصل کرنے کے بعد ملزم کے راجیندرا اچار کے خلاف پوکسو قانون کے تحت کیس درج کرتے ہوئے اسے گرفتار کیا گیا ۔