وکٹ کیپر ایشان کشن کے سر میں چوٹ لگنے کے بعد اسپتال میں داخل
دھرم شالہ،27؍فروری (ایس او نیوز؍ایجنسی) دھرم شالہ میں سری لنکا کے خلاف دوسرے ٹی- 20 بین الاقومی میچ میں سر میں چوٹ لگنے کے بعد ہندوستانی وکٹ کیپر اور بلے باز ایشان کشن کو ٹیم کے طبی عملے کے مشورے پر احتیاطی طور پر سی ٹی اسکین کے لیے لے جایا گیا ۔ بعد ازاں انہیں کانگڑا کے ایک اسپتال میں نگرانی میں رکھا گیا ہے۔
یہ واقعہ ہندوستانی اننگز کے چوتھے اوور میں پیش آیا جب کشن لاہیرو کمارا کے باؤنسر پر بیٹ ہوئے اور گیند ان کے ہیلمٹ پر جا لگی۔ اس چوٹ کے بعد سری لنکا کے کھلاڑی فوری طور پر کشن کے پاس جا کر ان کا حال پوچھنے لگے۔ کشن نے اس چوٹ کے بعد مزید تین گیندیں کھیلیں اور وہ 15 گیندوں میں 16 رن بنا کر آؤٹ ہوئے۔
اگر کشن اتوار کے آخری ٹی ٹوئنٹی میچ سے باہر ہو جاتے ہیں، جو ممکنہ میچوں کے درمیان صرف ایک دن کے وقت کو مدِ نظر رکھتے ہوئے لگتا ہے ، تو ہندوستان وکٹ کیپنگ کے لیے سنجو سیمسن اور بلے بازی کی شروعات کرنے کے لئے میانک اگروال کو لا سکتا ہے ۔ ریتوراج گائیکواڑ کے زخمی ہونے کے بعد میانک کو ہندوستانی ٹیم میں شامل کیا گیا تھا۔ اگروال ہندوستانی ٹیسٹ ٹیم کے ارکان کے ساتھ دھرم شالہ سے چار گھنٹے کے فاصلے پر چندی گڑھ میں قرنطینہ میں تھے۔
ہندوستان نے ہفتہ کو سات وکٹوں سے جیت درج کرکے ٹی- 20 انٹرنیشنل سیریز میں 2-0 کی ناقابل تسخیر برتری حاصل کر لی ۔ گزشتہ سال ٹی- 20 ورلڈ کپ میں پاکستان اور نیوزی لینڈ کے ہاتھوں شکست کے بعد یہ ہندوستان کی لگاتار 11ویں ٹی20 جیت تھی۔
