آئرلینڈ کی ون ڈے کرکٹ کی تاریخ میں جنوبی افریقہ کیخلاف پہلی فتح

Source: S.O. News Service | Published on 14th July 2021, 11:42 PM | اسپورٹس |

ڈبلن،14؍جولائی (ایس او نیوز؍ایجنسی) آئرلینڈ کرکٹ ٹیم نے جنوبی افریقہ کو دوسرے ایک روزہ میچ میں 43 رنز سے شکست سے دوچار کرتے ہوئے کرکٹ کی تاریخ میں پہلی مرتبہ پروٹیز کے خلاف ون ڈے میچ میں کامیابی حاصل کر لی ہے۔ 

تفصیلات کے مطابق ڈبلن کے میلاہائیڈے میں کھیلے گئے میچ میں آئرلینڈ نے پہلے بیٹنگ کرتے ہوئے کپتان اینڈی بالبرنی کی 102 رنز کی عمدہ اننگز کی بدولت 290 رنز بنائے۔ 

اینڈی بالبرنی نے 117 گیندوں پر 2 چھکوں اور 10 چوکوں کی مدد سے 102 رنز بنائے جبکہ دیگر کھلاڑیوں میں ہیری ٹیکٹر 79، جارج ڈاکریل 45، اینڈی میک برائن 30 اور پال سٹرلنگ 27 رنز بنا سکے۔

جنوبی افریقہ کی جانب سے اینڈیل فیلوک وائیو 2 وکٹیں لے کر سب سے کامیاب باؤلر رہے جبکہ کاگیسو ربادا، کیشو مہاراج اور تبریز شمسی نے ایک، ایک کھلاڑیوں کو پویلین کی راہ دکھائی۔ 

ہدف کے تعاقب میں جنوبی افریقی ٹیم 247 رنز بنا کر آؤٹ ہو گئی۔ پروٹیز کی جانب سے جانے من ملان 84 رنز کی عمدہ اننگز کھیل کر نمایاں بلے باز رہے مگر اپنی ٹیم کو شکست سے نہ بچا سکے۔ 

دیگر کھلاڑیوں میں ریسی وینڈرڈوسن 49، ڈیوڈ ملر 24، کیشو مہاراج 17، کاگیسو ربادا 16، اینرچ نورجے 10، ٹیمبا باووما 10، کائل ورائن 13، اینڈیل فیلوک وائیو 2 اور تبریز شمسی کوئی سکور نہ بنا سک

آئرلینڈ کی جانب سے اینڈی میک برائن، مارک اڈائیر اور جوشوا لٹل نے 2,2 کھلاڑیوں کو پویلین کی راہ دکھائی جبکہ کریگ ینگ، سیمی سنگھ اور جارج ڈاکریل نے ایک، ایک وکٹ حاصل کی۔ 

ایک نظر اس پر بھی

کرشنا ناگر نے ٹوکیو پیرالمپکس میں ہندوستان کو دلایا پانچواں طلائی تمغہ

ٹوکیو پیرالمپکس میں ہندوستان کے کرشنا ناگر نے تاریخ رقم کرتے ہوئے ہندوستان کو پانچواں طلائی تمغہ دلا دیا ہے۔ کرشنا ناگر نے اتوار کے روز بیڈمنٹن کے مردوں کے سنگلز (ایس ایچ-6) مقاملہ کے فائنل میں ہانگ کانگ کے چو من کائی کو ہراکر گولڈ جیتا۔

پیرالمپکس: طلائی سے چوکے نوئیڈا کے ڈی ایم سہاس، ہندوستان کو دلایا چاندی کا تمغہ

  ہندوستانی بیڈمنٹن پیرا کھلاڑی اور گوتم بدھ نگر کے ضلع مجسٹریٹ سہاس ایل یتی راج ٹوکیو پیرالمپکس کے فائنل مقابلہ میں فرانس کے پیرا کھلاڑی لوکاس مزور سے ہار گئے اور انہیں چاندی کے تمغے پر ہی اکتفا کرنا پڑا۔

ٹی-20 کرکٹ میں بنگلہ دیشی گیندبازوں کا قہر، نیوزی لینڈ کو 7 وکٹوں سے ملی شکست

گیندبازوں کی عمدہ گیندبازی اور بلے بازوں کی بہترین اننگز کی بدولت میزبان بنگلہ دیش نے بدھ کو یہاں شیر بنگلہ نیشنل اسٹیڈیم میں پہلے ٹی-20 میں نیوزی لینڈ کو7  وکٹوں سے شکست دے دی۔ پہلے بلے بازی کرتے ہوئے نیوزی لینڈ کی ٹیم بنگلہ دیش کی شاندار گیندبازی کے سامنے پوری طرح بے بس ...