آئی پی ایل: بنگلورو پر دہلی کی آسان فتح، دونوں ٹیموں نے پلے آف میں بنائی جگہ

Source: S.O. News Service | Published on 2nd November 2020, 11:52 PM | اسپورٹس |

ابوظہبی،2؍نومبر(ایس او نیوز؍ایجنسی) آج آئی پی ایل سیزن 13 کے 55ویں میچ میں دو پوائنٹس کی جنگ میں فتح دہلی کے ہاتھ لگی اور پوائنٹس ٹیبل میں وہ دوسرے مقام پر پہنچ گئی۔ بنگلورو نے دہلی کو جیت کے لیے 153 رن کا ہدف دیا تھا جسے دہلی نے 19 اوور میں حاصل کر لیا۔ دلچسپ بات یہ ہے کہ شکست کے بعد بھی بنگلور پلے آف میں پہنچ گئی ہے کیونکہ اس کے 14 پوائنٹس ہیں اور کولکاتا سے رن ریٹ بہتر ہے۔ اب اگر کل ممبئی سے حیدر آباد جیتے گی تو وہ پلے آف میں پہنچے گی، ورنہ کولکاتا کو چوتھا مقام حاصل ہو جائے گا۔

آج ٹاس دہلی کیپٹلز کے کپتان شرئیس ایر نے جیتا تھا اور پہلے گیندبازی کا فیصلہ کیا۔ بنگلورو کے سلامی بلے باز جوش فلپی بھلے ہی محض 12 رن بنا کر آؤٹ ہو گئے، لیکن اس کے بعد دیودت پڈیکل اور کپتان کوہلی نے اچھے انداز میں اننگ کو آگے بڑھایا۔ کوہلی جب 24 گیندوں پر 29 رن بنا کر آؤٹ ہوئے تو اے بی ڈیویلیرس نے پڈیکل کا بہترین ساتھ دیا۔ ٹیم کا اسکور جب 112 رن تھا تو پڈیکل 50 رن (41 گیندوں پر) بنا کر پویلین لوٹ گئے۔ اسی اوور میں مورس بھی بغیر کوئی رن بنائے آؤٹ ہو گئے۔ پھر ڈیویلیرس اور شیوم دوبے نے تیزی کے ساتھ رن بنانے کی کوشش کی، لیکن شیوم 11 گیندوں پر 17 رن بنا کر کیچ تھما بیٹھے۔ بیسویں اوور میں دو رن لینے کی کوشش میں ڈیویلیرس بھی 21 گیندوں پر شاندار 35 رن بنا کر آؤٹ ہو گئے۔ اڈانا بھی 2 گیندوں پر 4 رن بنا کر پویلین لوٹے جب کہ شہباز احمد 1 رن اور واشنگٹن سندر بغیر کوئی رن بنائے ناٹ آؤٹ لوٹے۔ 20 اوور میں بنگلور نے 7 وکٹ کے نقصان پر 152 رن بنائے۔

گیندبازی میں سب سے کامیاب نارخیا رہے جنھوں نے 4 اوور میں 33 رن دے کر 3 وکٹ لیے۔ 2 وکٹ کگیسو رباڈا کو ملا جنھوں نے 4 اوور میں 30 رن دیے۔ سب سے کفایتی گیندباز روی چندرن اشون رہے جنھوں نے 4 اوور میں محض 18 رن دے کر 1 وکٹ لیا۔ ڈینیل سیمس کافی مہنگے رہے جنھوں نے 4 اوور میں 40 رن دیے اور کوئی وکٹ حاصل نہیں کیا۔ اکشر پٹیل کو بھی کوئی وکٹ نہیں ملا جنھوں نے 4 اوور میں 30 رن خرچ کیے۔

دہلی کی بھی شروعات اچھی نہیں رہی کیونکہ پرتھوی شائ محمد سراج کی ایک بہترین گیند پر محض 9 رن کے انفرادی اسکور پر آؤٹ ہو گئے۔ لیکن اس کے بعد شکھر دھون اور اجنکیا رہانے نے بہترین شراکت داری کی اور بنگلور کو جیت سے دور کر دیا۔ شکھر دھون جب 41 گیندوں پر 54 رن بنا کر آؤٹ ہوئے تو اس وقت ٹیم کا اسکور 12.4 اوور میں 2 وکٹ کے نقصان پر 107 رن تھا۔ جیت بہت آسان نظر آ رہی تھی، لیکن کچھ وکٹ جلدی جلدی گرنے سے بنگلورو میں خوشی کا ماحول پھیل گیا۔

پہلے کپتان شریئس ایر 7 رن بنا کر آؤٹ ہوئے اور پھر بہترین بلے بازی کر رہے اجنکیا رہانے 46 گیندوں پر 60 رن بنا کر پویلین لوٹنے کو مجبور ہوئے۔ شہباز احمد کی تعریف کرنی ہوگی جنھوں نے پہلے تو دھون کو آؤٹ کیا اور پھر اجنکیا رہانے کو بھی کیچ آؤٹ کرایا۔ اس کے بعد رشبھ پنت اور مرکس اسٹوئنس نے کوئی وکٹ گرنے نہیں دیا اور 19 اوور میں ہی 4 وکٹ کے نقصان پر 154 رن بنا لیے۔

بنگلورو کی طرف سے اسپن گیندبازوں نے کفایتی گیندبازی کی، لیکن تیز گیندبازوں نے کچھ زیادہ رن خرچ کر دیے جس کی وجہ سے 152 رن کا دفاع نہیں کر سکے۔ شہباز احمد نے 4 اوور میں 26 رن دے کر 2 وکٹ اور واشنگٹن سندر نے 4 اوور میں 24 رن دے کر 1 وکٹ لیا۔ یجویندر چہل نے 4 اوور میں 29 رن دیے لیکن انھیں کوئی وکٹ حاصل نہیں ہوا۔ تیز گیندبازوں میں 1 کامیابی محمد سراج کو حاصل ہوئی جنھوں نے 3 اوور میں 29 رن دیے۔ کرس مورس نے 2 اوور میں 19 رن اور اسورو اڈانا نے 2 اوور میں 24 رن دیے۔

ایک نظر اس پر بھی

پہلے ٹی-20 مقابلے میں جنوبی افریقہ پر ہندوستان کی 8 وکٹوں سے جیت

ارشدیپ سنگھ (32/3) سنگھ کی مہلک گیندبازی کے بعد سوریہ کمار یادو (50 ناٹ آؤٹ) اور لوکیش راہل (51 ناٹ آؤٹ) کی نصف سنچریوں کی بدولت ہندوستان نے بدھ کے روز پہلے ٹی- 20 میچ میں جنوبی افریقہ کو آٹھ وکٹ سے شکست دے دی۔ جنوبی افریقہ نے ہندوستان کے سامنے 20 اوورز میں 107 رنز کا ہدف رکھا تھا جسے ٹیم ...

ہندوستان نے آسٹریلیا کو 6 وکٹوں سے شکست دے کر سیریز 2-1 سے جیت لی

 ہندوستان نے سوریہ کمار یادو (69) اور ویراٹ کوہلی (63) کی مضبوط نصف سنچریوں کے بعد ہاردک پانڈیا (ناٹ آؤٹ 25) کی دھماکہ خیز اننگز کی بدولت اتوار کے روز تیسرے ٹی- ٹوئنٹی میں آسٹریلیا کو چھ وکٹوں سے شکست دے کر سیریز 2-1 سے جیت لی۔ آسٹریلیا نے ہندوستان کو 187 رنز کا ہدف دیا تھا جسے ٹیم انڈیا ...

ٹی-20 سیریز: آسٹریلیا نے ہندوستان کو4 وکٹوں سے شکست دی

  آسٹریلیا نے کیمرون گرین (61) اور میتھیو ویڈ (46 ناٹ آؤٹ) کی دھماکہ خیز نصف سنچریوں کی بدولت منگل کو پہلے ٹی 20 میچ میں ہندوستان کو چار وکٹ سے شکست دے دی۔ ہندستان نے پہلے بلے بازی کرتے ہوئے 20 اوور میں 208 رن بنائے تھے جسے آسٹریلیا نے چار گیندیں باقی رہتے حاصل کر لیا۔

چھٹی بار سری لنکا کے سر سجا ایشیا کپ کاتاج، پاکستان کو 23 رن سے دی شکست

سری  لنکا کے بھانوکا راجا پکسے (71 ناٹ آؤٹ) اور پرمود مدوشن (چار وکٹ) کی شاندار گیند بازی کی بدولت سری لنکا نے ایشیا کپ کے فائنل میں پاکستان کو 23 رن سے شکست دی۔ سری لنکا نے پہلے بیٹنگ کرتے ہوئے مقررہ 20 اوورز میں 170 رن بنائے تھے جس کے جواب میں پاکستان 147 رن پر آل آؤٹ ہو گیا۔

بنگلہ دیشی کرکٹر مشفق الرحیم کا ٹی-20 کرکٹ سے ریٹائرمنٹ کا اعلان

 بنگلہ دیش کے سابق کپتان اور تجربہ کار وکٹ کیپر بلے باز مشفق الرحیم نے اتوار کو ٹی 20 انٹرنیشنل کرکٹ سے ریٹائرمنٹ کا اعلان کر دیا۔ مشفق نے کہا کہ وہ ٹیسٹ اور ون ڈے کرکٹ پر توجہ دینا چاہتے ہیں۔ اس کے علاوہ وہ فرنچائزی ٹی ٹوئنٹی کرکٹ کے لیے بھی دستیاب ہوں گے۔

ایشا کپ سپر 4: سری لنکا نے افغانستان کو4 وکٹوں سے شکست دے دی

کوشل مینڈس (36) اور دانوشکا گنٹیلکا (33) کی شاندار اننگز کی بدولت سری لنکا نے ایشیا کپ 2022 میں افغانستان کو چار وکٹ سے شکست دے دی۔افغانستان نے سری لنکا کو 20 اوورز میں 176 رنز کا ہدف دیا تھا جو اس نے پانچ گیندوں کے باقی رہتے ہوئے حاصل کر لیا اور سپر 4 کا پہلا میچ جیت لیا۔