کاروار 24؍فروری (ایس او نیوز) ڈسٹرکٹ پریس اینڈ پبلسٹی ڈپارٹمنٹ اور ضلع انتظامیہ کے اشتراک سے 25اور26فروری کو رابندر اناتھ ٹیگور ساحل پر سرکاری اسکیموں کے تعلق سے عوام کو معلومات فراہم کرنے کی غرض سے انفارمیشن اتسوا کا انعقاد کیا جارہا ہے۔ 

اخباری بیان کے مطابق اس قسم کا اتسوا ضلع میں پہلی بار منعقد ہورہا ہے جس میں حکومت کی طرف سے جاری عوامی فلاح و بہبود کی تمام اسکیموں کے بارے میں معلومات فراہم کرنے کے لئے مختلف محکمہ جات کے20 نمائشی اسٹالس لگائے جائیں گے۔ اور شام کو5.30بجے رنگارنگ ثقافتی پروگرام پیش کیا جائے گا جس میں ریاست کے مختلف مقامات سے تشریف لانے والے فنکار اور مقامی فنکاروں کی طرف سے عوام کو تفریح کا موقع فراہم کیا جائے گا۔26فروری کو کنڑا فلمی گانوں اور رقص کا خصوصی پروگرام پیش کیا جائے گا۔