بھٹکل کے تاجر کو فون کال کے ذریعے لوٹنے کی ناکام کوشش

Source: S.O. News Service | Published on 15th May 2024, 12:39 PM | ساحلی خبریں |

بھٹکل، 15/ مئی (ایس او نیوز) انٹرنیٹ اور فون کالس کے ذریعے فریب دہی اور بڑی رقم لوٹنے کے معاملات عام ہوگئے ہیں جس سے بچنا بہت ہی مشکل ہو گیا ہے ۔ ایسی ہی ایک ناکام کوشش کا معاملہ بھٹکل کے ایک تاجر نوین کے ساتھ پیش آیا ہے ۔ 
    
بتایا جاتا ہے کہ دو تین دن قبل نوین کو کئی بار کسی انجان نمبر سے فون کال آتی رہی جسے وہ مصروفیت کی وجہ سے ریسیو نہیں کر رہا تھا ۔ پھر اس نے ایک مرتبہ کال ریسیو کیا تو ایک لڑکی نے اس کے آدھار کارڈ، پین کارڈ وغیرہ بتاتے ہوئے کہا کہ تم نے 3 مئی کو ممبئی سے کوریئر کے ذریعے جو پارسل تائیوان کے لئے بھیجا تھا وہ واپس آ گیا ہے ۔ اس میں ممنوعہ اشیاء موجود ہونے کی وجہ سے ممبئی ایئر پورٹ پر کسٹمز نے پارسل ضبط کر لیا ۔ 
    
یہ بات سن کر تھوڑی دیر کے لئے نوین پریشان ہوگیا ، پھر اس نے کال کرنے والی لڑکی سے کہا کہ میں نے تو کوئی پارسل بھیجا ہی نہیں ۔ اس کے علاوہ میں کرناٹکا میں رہتا ہوں ، اس لئے ممبئی سے کوریئر بھیجنے کا سوال ہی پیدا نہیں ہوتا ۔ اس پر لڑکی نے کہا کہ تمہاری شناخت کے دستاویزات کے ساتھ پارسل بھیجا گیا ہے ۔ اس پر جو فون نمبر درج ہی اسی پر ہم نے کال کیا ہے اور یہ تمہارا ہی نمبر ہے ۔ نوین نے جب پوچھا کہ اس مسئلہ سے کیسے نمٹا جا سکتا ہے تو لڑکی نے کہا کہ اگر دو لاکھ روپے ادا کیے جائیں تو یہ مسئلہ ختم ہو سکتا ہے ۔ جب نوین نے پوچھا کہ اگر رقم ادا نہ کی گئی تو کیا ہوگا ، تو لڑکی نے کہا کہ اس معاملے کی رپورٹ مینگلورو ایئر پورٹ کو دی گئی ہے اور وہاں سے کسٹمز افسران کسی بھی وقت تمہیں گرفتار کرنے کے لئے پہنچ سکتے ہیں ۔
    
یہ سب سننے کے بعد نوین نے یہ کہتے ہوئے کال منقطع کر دی کہ جو کرنا ہے کر لو میں کوئی رقم ادا کرنے والا نہیں ہوں ۔ جو ہوگا میں دیکھ لوں گا ۔ 
    
نوین اور دھوکہ بازوں کے درمیان ہوئی اس بات چیت کی ریکارڈنگ اب سوشیل میڈیا پر وائرل ہوگئی ہے ۔ 

ایک نظر اس پر بھی

کمٹہ کے تدڑی میں سیاحوں کی کشتی ڈوبنے کا معاملہ : محکمہ ٹورازم کی کارروائی - 21 ٹورسٹ بوٹس کا لائسنس منسوخ

تعلقہ کے تدڑی موڈنگی میں سیاحوں کی کشتی ڈوبنے کا جو معاملہ پیش آیا تھا اس پر محکمہ سیاحت کی طرف سے کارروائی کی گئی اور غیر قانونی طور پر یا لائسنس کی تاریخ ختم ہونے کے باوجود چلائی جا رہی ٹورسٹ بوٹس کے اجازت نامے عبوری طور پر منسوخ کر دئے گئے۔ 

مرڈیشور بستی مکّی میں جنگلاتی زمین پر قبضہ - وزیر منکال وئیدیا پر اٹھ رہی ہیں انگلیاں - محکمہ جنگلات نے لگائی روک

مرڈیشور بستی مکّی میں موجود اتر کنڑا ضلع انچارج وزیر منکال وئیدیا کی صدارت میں چل رہے بینا وئیدیا اسکول سے متصل جنگلاتی زمین پر ناجائز قبضے کی کوشش کے بعد محکمہ جنگلات نے مداخلت کرتے ہوئے وہاں چل رہی کھدائی اور صفائی کے کام پر روک لگا دی ہے ، مگر اس ناجائز قبضے کے معاملے میں ...

ادیب و شاعر نفرت کی آگ کو گلزار بنانے کا کام کریں: بھٹکل میں منعقدہ شعری نشست میں سالک ندوی ‌کا‌اظہار خیال

وطن عزیز ان دنوں انتہائی اہم دور سے گزر رہا ہے۔ایک طرف تہذیبی جارحیت نے ان ہنگاموں کو نہایت سنگین بنا دیا ہے تو دوسری طرف فرقہ پرستی، تنگ نظری،لسانی عصبیتیں، اور طبقاتی کشمکش عروج پر ہے اور بے چہرگی کی بھیڑ میں انسانوں کا وجود ہی گم ہو گیا ہے۔

بھٹکل کی ہائی ٹیک مچھلی مارکیٹ بن گئی ہے مہاجر مزدوروں، آوارہ جانوروں اور بھکاریوں کا ٹھکانہ؛ کیا یہ ترقی کے نام پر غبن نہیں  ؟

ایسا لگ رہا ہے کہ بھٹکل میں ترقیاتی کاموں کا مطلب  ہی  حکومت کے پیسوں کا غبن کرنا  رہ گیاہے ، ایسا لگتا ہے کہ  یہاں بعض لوگ ایسے ہیں جو حکومت کی مختلف اسکیموں  کے لئے  منطور شدہ رقم  کو چور راستے سے    اپنے نام کروارہے  ہیں جس میں  بھٹکل سنتے مارکٹ کے قریب  تعمیر شدہ  ہائی ٹیک ...

سرسی : کار خریدی کے نام پر بینکوں کو دھوکہ دینے کے الزام تین افراد پر کیس درج 

کار خریدی کے نام پر بینک کو دھوکہ دینے اور نقلی دستاویزات کے ذریعے لاکھوں روپے قرضہ حاصل کرنے کے الزام میں رویش ہیگڑے، وینکٹرمنا گجانن ہیگڑے اور منی کنٹا چندرا شیکھر نائک کے خلاف کیس درج کیا گیا ہے ۔