بنگلہ دیش کو شکست دیکر ہندستان بنا ایشیا انڈر-19 چمپئن

Source: S.O. News Service | Published on 15th September 2019, 12:52 PM | اسپورٹس |

کولمبو،15؍ستمبر (ایس اونیوز؍ یو این آئی)  بائیں ہاتھ کے اسپنر ارتھو انكولیكر کی 28 رن پر پانچ وکٹ کی خطرناک گیند بازی کی بدولت ہندستان کی انڈر -19 ٹیم نے بنگلہ دیش کو یہاں ہفتہ کو ایشیا کپ کے دلچسپ فائنل میں پانچ رن سے شکست دے کر خطاب اپنے نام کر لیا۔

ہندستانی ٹیم نے ٹاس جیتنے کے بعد پہلے بیٹنگ کا فیصلہ کیا لیکن 32.4 اوور میں ہی پوری ٹیم 106 رنز پر ڈھیر ہو گئی۔ اگرچہ گیند بازوں نے چھوٹے اسکور کا بھی بخوبی دفاع کرتے ہوئے خطرناک گیند بازی کی اور حریف بنگلہ دیش کو 33 اوور میں جیت سے صرف پانچ رن دور 101 پر سمیٹ کر خطاب اپنے قبضے میں کر لیا۔

ہندستان کے چھوٹے اسکور کا دفاع کرنے کا کریڈٹ 18 سال ارتھو انكولیكر کو جاتا ہے جنہوں نے آٹھ اوور کی اپنی گیند بازی میں 28 رن دے کر پانچ وکٹ نکالے۔ ان کے ساتھ ٹیم کے فاسٹ بولر آکاش سنگھ کا بھی بہترین تعاون رہا جنہوں نے پانچ اوور میں 12 رن دے کر تین وکٹ نکالے۔ وديادھر پاٹل کو 25 رنز اور سشانت مشرا کو ایک ایک وکٹ ہاتھ لگا۔

سری لنکا کے آر پریم داسا اسٹیڈیم میں کھیلے گئے ایشیا انڈر -19 کے فائنل میچ میں دونوں ٹیموں کی گیند بازی شاندار رہی۔ محض 107 رنز کے ہدف کا تعاقب کر رہی بنگلہ دیشی ٹیم کی جانب سے کپتان اکبر علی نے 23 رنز اور مرتضی چودھری نے 21 رن کی بڑی اننگز کھیلی اور ہندستانی گیند بازوں کے سامنے کچھ رن بنائے ۔ تنظیم حسن ثاقب نے 12 رنز اور رقیب الحسن کے 11 رن دیگر بڑے اسکور رہے۔

بنگلہ دیش کا آغاز ہی اتنی خراب رہا کہ اس کے اوپنر تنزید حسن صفر پر آکاش کی گیند پر بولڈ ہو گئے۔ اس کے بعد پاٹل نے پرویز حسین امون (5) کو آؤٹ کیا اور محمود الحسن (1)، توحید چودھری (صفر) دونوں آکاش کا شکار بنے۔ شہادت حسین (3) کو ارتھو انكولیكر نے آؤٹ کر کے بنگلہ دیشی ٹیم کے اوپننگ پانچ بلے باز دہائی کے ہندسے پر پہنچنے سے پہلے ہی پویلین لوٹا دیئے۔

رقیب الحسن 11 رن پر ناٹ آؤٹ رہے جبکہ ارتھو انكولیكر نے شاہین عالم کو ہدف سے پانچ رن دور صفر پر بولڈ کرنے کے ساتھ بنگلہ دیشی ٹیم کو سمیٹ کر ہندستان کی جیت اور خطاب یقینی کرایا۔ ارتھو انكولیكر کو ان کی اس کارکردگی کے لیے مین آف دی میچ منتخب کیا گیا۔

اس سے پہلے بلے بازی کرنے اتری ہندستانی ٹیم کی کارکردگی بھی مایوس کن رہی اور اس کے ٹاپ تین بلے باز سوید پرکار (4)، ارجن آزاد (0) اور تلک ورما (2) سستے میں پویلین لوٹ گئے اور صرف آٹھ رن کے وقفے پر ہندستان نے اپنے تین وکٹ گنوا دیئے۔ اگرچہ پھر کپتان دھرو جریل نے 33 رنز اور نچلے آرڈر کے کرن لال نے 37 رنز کی مفید اننگز کھیلنے ہوئے ٹیم کو لڑنے کے قابل اسکور تک پہنچایا۔ اس کے علاوہ ششوت راوت نے 19 رنز بنائے اور ٹیم کی جانب سے دہرے ہندسے تک پہنچنے والے محض تیسرے بلے باز رہے۔

ورون لاوڈے (0)، ارتھو (2)، سشانت مشرا (3) اور وديادھر پاٹل (صفر) پر آؤٹ ہوئے۔ بنگلہ دیش کی جانب سے چودھری نے کرن لال (37) کو آؤٹ کر ہندستانی اننگز 33 رنز کی دو گیند باقی رہتے 106 پر سمیٹ دی۔ بنگلہ دیش کے لیے چودھري نے 7.4 اوور میں 18 رن دے کر تین وکٹ اور شمیم حسین نے چھ اوور میں 8 رنز دے کر تین وکٹ نکالے۔ تنظیم حسن ثاقب کو 22 رنز اور شاہین عالم کو 26 رن پر ایک ایک وکٹ ملا۔

ایک نظر اس پر بھی

ہندوستان کی جنوبی افریقہ کے خلاف اننگز اور 137 رن سے بڑی جیت، فریڈم سیریز پر قبضہ

ہندستان نے جنوبی افریقہ کو پہلی بار فالوآن کھیلنے پر مجبورکیا اور گیندبازوں کی شاندار کارکردگی کی بدولت دوسرا ٹسٹ چوتھے دن ہی اتوار کو اننگز اور 137رن سے جیت کر تین میچوں کی سیریز میں دوصفر کی ناقابل تسخیر سبقت حاصل کرلی ۔ ہندستان کی جنوبی افریقہ کے خلاف یہ سب سے بڑی جیت ہے اور ...

انگلینڈ کے آل راؤنڈراسٹوکس بنے پی سی اے کے ’سال کے بہترین کھلاڑی‘

انگلینڈ کے آل راؤنڈر بین اسٹوکس کو پیشہ ورانہ کرکٹروں کے ایسوسی ایشن (پی سی اے) کے ایوارڈز میں ’سال کا بہترین کھلاڑی‘منتخب کیا گیا۔اسٹوکس نے انگلینڈ کو عالمی کپ کا خطاب دلانے میں اہم کردار ادا کیا تھا جس میں وہ جولائی میں نیوزی لینڈ کے خلاف فائنل میں مین آف دی میچ رہے تھے۔28سال ...

دیپا کرماکر زخمی، جمناسٹکس چمپئن شپ میں ہندوستان کے لیے بڑا چیلنج

03/اکتوبر(آئی این ایس انڈیا) زخمی دیپا کرماکر کی غیر موجودگی میں ہندوستانی جمناسٹو کو جمعہ سے یہاں شروع ہو رہی عالمی جمناسٹکس چمپئن شپ میں سخت چیلنج کا سامنا کرنا ہوگا۔ہندوستانیوں کو حالانکہ میڈل کی توقع نہیں ہوگی لیکن وہ اپنی بہترین کارکردگی کرنا چاہتے ہیں۔ اولمپکس کے لیے ...

اظہرالدین حیدرآباد کرکٹ ایسوسی ایشن کے صدر منتخب

ہندوستانی کرکٹ ٹیم کے سابق کپتان محمد اظہر الدین حیدرآباد کرکٹ ایسوسی ایشن(ایچ سی اے) کے صدر کے باوقار عہدہ کیلئے منتخب ہوگئے۔ شہر کے علاقہ اُپل میں واقع راجیو گاندھی انٹرنیشنل کرکٹ اسٹیڈیم میں جمعہ کی صبح ایسوسی ایشن کے انتخابات منعقد ہوئے اور نتائج کا اعلان شام پانچ بجے کیا ...

کرناٹکا اسٹیٹ کرکٹ اسوسی ایشن سے منظورشدہ کرکٹ ٹورنامنٹ میں حصہ لینے کھلاڑیوں کے لئے سنہرہ موقع؛ بھٹکل سمیت ضلع اُترکنڑا کے کھلاڑی ہوسکتے ہیں شریک

کرناٹکا اسٹیٹ اسوسی ایشن (KSCA) سے منظور شدہ کرکٹ ٹورنامنٹ میں  حصہ لینے بھٹکل اسپورٹس اکیڈمی کی جانب سے بھٹکل کی انڈر 14، انڈر 16، انڈر 19 سمیت سنئیر کھلاڑیوں پر بھی مشتمل  دو ٹیموں کو  ترتیب دیا جارہا ہے  جس کے لئے کھلاڑیوں کا انتخاب اُن کی قابلیت ، اُن کے پرفارمینس اور دیگر ...