ہندوستان نے جنوبی افریقہ کو 82 رنوں سے شکست دی، اویش خان کی شاندار گیند بازی، سیریز 2-2 سے برابر

Source: S.O. News Service | Published on 18th June 2022, 12:43 PM | اسپورٹس |

راج کوٹ،18؍جون (ایس او نیوز؍ایجنسی)  جنوبی افریقہ اور ہندوستان کے درمیان تیسرے میچ میں ہندوستان نے جنوبی افریقہ کو 82 رنوں سے شکست دی ہے۔ اس جیت کے ساتھ ہندوستان نے سیریز میں 2-2 کی برابری کرلی ہے۔ اب اتوار کو پانچویں اور آخری مقابلے میں دونوں ٹیمیں سیریز جیتنے کے ارادے سے اتریں گی۔ اس سیریز کے پہلے دونوں میچ میں ہندوستانی ٹیم کو شکست کا سامنا کرنا پڑا تھا، جس کے بعد ہندوستانی ٹیم نے سیریز میں واپسی کرتے ہوئے تیسرے اور چوتھے ٹی-20 میں جیت درج کرلی اور سیریز کو برابری پر لے آئی۔

ہندوستانی ٹیم کی شروعات اچھی نہیں رہی اور سلامی بلے باز ریتو راج گائیکواڑ 5 رنوں کے انفرادی اسکور پر آوٹ ہوگئے۔ اس وقت ہندوستان کا اسکور صرف 13 رن تھا۔ اس کے بعد نمبر تین پر بلے بازی کرنے آئے شرے یس ایئر صرف 4 بناکر آوٹ ہوگئے۔ ایک وقت ہندوستان کا اسکور 81 رنوں پر 4 وکٹ ہوگیا تھا۔

دنیش کارتک اور ہاردک پانڈیا کی تیز طرار اننگ نے ہندوستانی ٹیم کو بہترین اسکور تک پہنچانے میں اہم کردار ادا کیا۔ دنیش کارتک نے 27 گیندوں میں 55 اور ہاردک پانڈیا نے 31 گیندوں میں 46 رن بنائے۔ دونوں نے پانچویں وکٹ کے لئے 65 رن جوڑے۔ ایک وقت ہندوستان کا 150 رنوں کے اسکور تک پہنچنا بھی مشکل لگ رہا تھا۔

ہندوستان کے لئے اویش خان نے شاندار گیند بازی کی اور 4 افریقی بلے بازوں کو آوٹ کیا۔ اس کے علاوہ یجویندر چہل نے بھی دو وکٹ حاصل کئے۔ ہندوستان کے 169 رنوں کے جواب میں جنوبی افریقہ کی ٹیم نے 24 رن پر اپنا پہلا وکٹ گنوایا۔ پانچویں اوور میں ڈی کاک 14 رن بناکر آوٹ ہوگئے۔ کپتان تیندا باوما 8 رن بناکر ریٹائرڈ ہرٹ ہوگئے۔ جنوبی افریقہ کا کوئی بلے باز بڑا اسکور نہیں بناسکا اور اس کی ٹیم مسلسل وکٹ گنواتی رہی۔ افریقہ کی ٹیم 16.5 اوور میں 87 رن 9 وکٹ کے نقصان پر بناسکی۔ کپتان باوما ریٹائر ہرٹ ہونے کے بعد بلے بازی کرنے نہیں آئے۔

ایک نظر اس پر بھی

کامن ویلتھ گیمز: ہندوستانی کھلاڑیوں نے نویں دن 4 طلائی سمیت 14 تمغے جیتے

انگلینڈ کے شہر برمنگھم میں کھیلے جا رہے کامن ویلتھ گیمز 2022 میں ہندوستانی کھلاڑی شاندار کارکردگی کا مظاہرہ کر رہے ہیں۔ کھیلوں کے نویں دن یعنی 6 اگست (ہفتہ) کو ہندوستان نے کل 14 تمغے جیتے، جن میں چار طلائی، تین چاندی اور سات کانسی کے تمغے شامل ہیں۔ اس کے علاوہ کرکٹ، ٹیبل ٹینس، ...

کامن ویلتھ گیمز: ہندوستانی پہلوانوں کا بہترین کارکردگی کا مظاہرہ، بجرنگ اور ساکشی نے جیتے طلائی تمغے

 ہندوستانی پہلوان کامن ویلتھ گیمز 2022 میں بہترین کارکردگی کا مظاہرہ کر رہے ہیں۔ خاتون پہلوان انشو ملک کے چاندی کا تمغہ جیتنے کے بعد پہلوان بجرنگ پونیا اور خاتون پہلوان ساکشی ملک ملک کے لیے طلائی تمغہ حاسل کیا۔ ہندوستان کے طلائی تمغے کی امید رکھنے والے سب سے بڑے پہلوان بجرنگ ...

ویٹ لفٹر لوپریت نے قومی ریکارڈ کے ساتھ کانسے کا تمغہ جیتا، ہندوستان کا 14واں تمغہ

 ویٹ لفٹر لوپریت سنگھ نے بدھ کے روز 109 کلوگرام زمرے میں کانسے کا تمغہ جیتا جس کے بعد دولت مشترکہ کھیل 2022 میں ہندوستان کے تمغوں کی کل تعداد 14 ہو گئی۔ لوپریت نے اسنیچ میں 163 کلوگرام اور کلین اینڈ جرک میں 192 کلوگرام کی کوشش کے ساتھ مجموعی طور پر 355 کلو گرام کا وزن ریکارڈ کیا۔ انہوں نے ...