پہلے یک روزہ میچ میں انگلینڈ نے ہندوستان کے خلاف شاندار جیت حاصل کی

Source: S.O. News Service | Published on 24th March 2021, 12:17 PM | اسپورٹس |

پونے ، 24؍مارچ (ایس او نیوز؍ایجنسی) مہاراشٹر کرکٹ ایسوسی ایشن اسٹیڈیم میں کھیلے گئے میچ میں ہندوستان نے پہلے بلے بازی کرتے ہوئے مقررہ 50 اوورز میں 5 وکٹوں کے نقصان پر 317 رنز بنائے تھے لیکن انگلینڈ ٹیم 251 پر ہی آؤٹ ہوگئی۔

ہدف کا تعاقب کرنے اتری انگلش ٹیم کی شروعات بہت شاندار رہی اور اس کے سلامی بلے باز جیسن رائے اور جانی بیئرسٹو نے پہلے وکٹ کے لیے 135 رنوں کی پارٹنرشپ کی لیکن اس دونوں بلے بازوں کے آؤٹ ہونے کے بعد دیگر کوئی بھی بلے باز کریز پر زیادہ دیر نہیں ٹک سکا۔

سلامی بلے باز بیئرسٹو اور جیسبن رائے نے انتہائی تیز رفتاری سے رنز بٹورے اور محض 14.2 اوورز میں 135 رنز بنا کر ٹیم کو بہترین شروعات دلائی لیکن دیگر بلے بازوں کا ساتھ نہ ملنے کی وجہ سے ٹیم کو ناکامی کا منہ دیکھنا پڑا۔

جانی بیئرسٹو نے جارحانہ انداز میں بلے بازی کی اور میدان کے چاروں جانب شاٹس لگائے لیکن بدقسمتی سے وہ اپنی سنچری کے محروم رہ گئے اور 94 رنز کے ذاتی اسکور پر شاردُل ٹھاکُر کی گیند پر کُلدیپ یادو کو کیچ تھما بیٹھے۔

اس کے علاوہ جیسن رائے نے 35 گیندوں میں 46 رنز، معین علی نے 37 گیندوں میں 30 رنز اور کپتان ایون مورگن نے 22 رنوں کی اننگ کھیلی۔

ہندوستان کی جانب سے اپنا پہلا بین الاقوامی میچ کھیلنے والے تیز گیند باز پرسِدھ کرشنا سب سے کامیاب گیند باز رہے اور 4 وکٹیں حاصل کیں جبکہ شاردُل ٹھاکر نے تین، بھونیشور کمار نے دو اور کرونال پانڈیا نے ایک بلے باز کو پویلین کی راہ دکھائی۔

اس سے قبل مہاراشٹر کرکٹ ایسوسی ایشن اسٹیڈیم میں کھیلے جارہے میچ میںہندوستان نے شکھر دھون، وراٹ کوہلی، کرونال پانڈیا اور کے ایل راہل کی شاندار نصف سنچریوں کی بدولت مقررہ 50 اوورز میں 5 وکٹوں کے نقصان پر 317 رنز بنائے تھے۔

انگلینڈ نے ٹاس جیت کاہندوستان کو بلے بازی کی دعوت دی تھی۔ ہندوستان کی جانب سے روہت شرما اور شکھر دھون کی اننگ کا آغاز کیا اور پہلے وکٹ کے لیے 64 رنوں کی پارٹنرشپ کی تھی۔

تیزی سے رن بنانے کے چکر میں روہت شرما بین اسٹوکس کا شکار بنے۔ انہوں نے 42 گیندوں میں 4 چوکوں کی مدد سے 28 رنز بنائے۔ اس کے بعد کپتان وراٹ کوہلی کریز پر آئے اور دھون سے ساتھ مل کر 105 رنوں کی پارٹنرشپ کی تھی۔

وراٹ کوہلی نے 60 گیندوں میں 6 چوکوں کی مدد سے 56 رنز بنائے جبکہ دھون بدقسمتی سے سنچری مکمل نہیں کر سکے اور 98 رن پر انگلش کپتان ایون موگن کو کیچ تھما بیٹھے۔ دھون نے 106 گیندوں میں 11 چوکوں اور 2 چھکوں کی مدد سے 98 رنز کی اننگ کھیلی تھی۔

اس کے بعد شریس ایر اور ہاردک پانڈیا جلدی جلدی پویلین لوٹ گئے۔ انہوں نے بالترتیب 6 اور ایک رنز بنائے لیکن مڈل آرڈر میں کے ایل راہل اور کرونال پانڈیا نے اسکور آگے بڑھایا۔ ان دونوں بلے بازوں کے مابین 112 رنوں کی بہترین پارٹنرشپ ہوئی تھی۔

کے ایل راہل نے 43 گیندوں میں 4 چوکوں اور 4 چھکوں کی مدد سے ناٹ آؤٹ 62 رنز بنائے جبکہ کرونال پانڈیا نے محض 31 گیندوں میں 7 چوکوں اور 2 چھکوں کی مدد سے 58 رنوں کی جارحانہ اننگ کھیلی تھی۔

انگلینڈ کی جانب سے بین اسٹوکس سب سے کامیاب گیندباز رہے اور 3 بلے بازوں کو پویلین کی راہ دکھائی جبکہ مارک ووڈ کے حصے میں دو وکٹیں آئی تھی۔

ایک نظر اس پر بھی

آئی پی ایل 2021: حیدرآبادکی لگاتار تیسری شکست ،ممبئی انڈینس کو گیند بازوں نے دلائی جیت

ممبئی انڈینس نے حیدرآباد سنرائزرس کو 13 رن سےشکست دی۔ اوپنر کونٹن ڈی کاک (40)، کپتان روہت شرما (32) اور کیرون پولارڈ (ناٹ آؤٹ 35) کی شاندار پاریوں کے بعد گیندبازوں کے زبردست مظاہرے سے ممبئی انڈینس نے سن رائزرس حیدرآباد کو آئی پی ایل 14 کے مقابلے میں ہفتے کے روز 13 رن سے شکست دے دی۔

آئی پی ایل 2021: راجستھان رائلس نے دلچسپ مقابلہ میں دہلی کیپیٹلس کو دی شکست

راجستھان رائلس نےانتہائی دلچسپ مقابلہ میں دہلی کیپیٹلس کو تین وکٹ سے شکست دی ۔پہلے کھیلتےہوئے دہلی کیپیٹلس نے 20 اوور میں147 رن بنائے جو راجستھا ن رائلس نے آخری اوور کی چوتھی گیند پر بنا لئے اوراس نے یہ ہدف حاصل کرنے میں سات وکٹ گنوائے ۔

پا کستان نے جنوبی آفریقہ کو تیسرے ٹی 20 میچ میں 9  وکٹوں سے شکست دی، سیریز میں 1-2 کی برتری، بابر اعظم نے 122 رنز کی شاندار اننگز کھیلی

پاکستان نے جنوبی آفریقہ کو تیسرے ٹی 20 انٹرنیشنل میچ میں 9  وکٹوں سے شکست دے کر چار میچوں کی سیریز میں دو ایک کی برتری حاصل کر لی ہے۔دونوں ٹیموں کے دوران یہ میچ جنوبی افریقہ کے شہر سنچورین میں کھیلا گیا۔

آئی پی ایل 2021: شہباز احمد کی شاندار کارکردگی، رائل چیلنجرس بنگلورو نے سن رائزرس حیدرآباد کو 6 رن سےشکست دی

سن رائزرس حیدرآباد کو جہاں لگاتار دوسری شکست کا سامنا کرنا پڑا وہیں وراٹ کوہلی کی آر سی بی نے اپنا لگاتار دوسرامیچ جیتا۔ آر سی بی نے ایک دلچسپ مقابلہ میں سررائزرس کو 6 رن سےشکست دی ۔

بھٹکل کے بہترین کھلاڑی رتن نائک کرناٹکا اسٹیٹ کبڈی ٹیم کےلئے منتخب

بھٹکل مسلم یوتھ  فیڈریشن کے زیر اہتمام   حال ہی میں منعقدہ پروکبڈی ٹورنامنٹ میں بہترین کھیل کا مظاہرہ پیش کرکے  پلئیر آف دی ٹورنامنٹ کا خطاب پانے والے رتن نائک کو کرناٹکا اسٹیٹ کبڈی ٹیم کےلئے منتخب کیا گیا ہے۔