بھٹکل تعلقہ الویکوڑی میں غیر قانونی ریت ضبط کرنےمیں افسران پر پس و پیش کا الزام : اندھیرے میں ذخیرہ کردہ ریت دوسری جگہ منتقل
بھٹکل :14؍جولائی (ایس اؤ نیوز) تعلقہ میں جاری غیر قانونی ریت سپلائی میں افسران بھی ملوث ہونے کے تعلق سے عوام شبہ جتارہے ہیں۔شرالی کے الویکوڑی برج کے قریب والے نالے کنارے پر ذخیرہ کردہ سبھی ریت کے تھیلوں کو 2-3دن کی مدت میں رات کے اوقات کسی دوسری جگہ منتقل کئے جانے کا پتہ چلا ہے۔
موسم باراں میں ریت سپلائی کے لئے کوئی رکاوٹ نہیں دیکھی گئی ،سیپیوں کو نکالنے کے بہانے پانی میں اتر کر تھیلوں میں ریت بھر کر کنارے جمع کیاجاتاہے۔ ریت ذخیرہ اندوزی اور افسران کے چھاپے ماری کے متعلق نگرانی اور اطلاع پہنچانے کے لئے سکیورٹی گارڈس لگائے جانے کی اطلاعات گردش میں ہیں۔ ساحل آن لائن نے ایک ہفتہ پہلے 6جولائی کو بھٹکل تعلقہ میں جاری غیر قانونی ریت سپلائی کے متعلق رپورٹ شائع کی توافسران بیدار ہوکر ریت سپلائی روک دی گئی تھی۔
مقامی عوام کا کہنا ہے کہ اخبارات میں رپورٹ شائع ہونے کے بعد تحصیل افسران جائے وقوع پہنچ کر معائنہ بھی کیا تھا مگر وہاں ذخیرہ کردہ ریت کے تھیلوں کو ضبط کرنے کی کارروائی انجام نہیں دئیے جانے کے متعلق عوام نے سخت ناراضگی کا اظہار کیا ہے۔ افسران کی غفلت سے ملی مہلت سے بھر پور فائدہ اٹھاتے ہوئے ریت لٹیروں نے ریت کے تھیلوں کو وہاں سے دوسری جگہ منتقل کرنےمیں کامیاب ہوئے ہیں۔ عوام نے زور دے کہا کہ یہاں جو ریت سپلائی ہورہی ہے یہ ایک بہت بڑا جال ہے ، جس میں افسران بھی ملوث ہونے سے غیر قانونی ریت سپلائی کے لئے کوئی رکاوٹ نہیں ہے، اب فی الحال عارضی طورپر ریت سپلائی کوبند کیاگیا ہے۔ جب عوام کی توجہ بٹ جائے گی اور کہیں دھیان چلا جائے گاتو پھر اپنی کارستانی انجام دینے کا الزام لگایا۔