کرکٹ میچ کے دوران بڑی ’ انہونی‘، نصف سنچری لگانے کے بعد بلے باز کی موت

Source: S.O. News Service | Published on 18th November 2019, 11:32 AM | اسپورٹس |

حیدرآباد،18/نومبر(ایس او نیوز/ایجنسی)   کرکٹ کے میدان پر اکثر کئی حادثات ہوتے رہتے ہیں اور کھلاڑیوں کی جان چلی جاتی ہے۔ حیدرآباد میں بھی ایک کلب میچ کے دوران ایک کرکٹر کی موت ہو گئی حالانکہ اس کی وجہ کوئی حادثہ یا چوٹ نہیں تھی۔ میڈیا رپورٹوں کے مطابق، اتوار کو ایک ون ڈے لیگ میچ کے دوران 41 سال کے بلے باز وریندر نائک کی موت ہو گئی۔ وہ حیدرآباد میں مارڈپلی اسپورٹنگ کلب کے کھلاڑی تھے اور انہوں نے اتوار کو شاندار نصف سنچری بھی لگائی تھی لیکن آؤٹ ہونے کے بعد وہ پویلین لوٹے اور وہاں ان کی موت ہو گئی۔

وریندر نائک مہاراشٹر کے ساونت واڑی کے رہنے والے تھے جہاں ان کی آخری رسوم ادا کی جائے گی۔

انگریزی اخبار ڈکن کرونیکل کی خبر کے مطابق، وریندر نائک کی موت کا سبب دل کا دورہ بتایا جا رہا ہے۔ وریندر کے بھائی اویناش نے پولیس کو بتایا کہ وریندر سینے کی بیماری کی دوا کھا رہے تھے۔ وریندر نائک کی لاش پوسٹ مارٹم کے لئے بھیج دی گئی ہے اور اس کے بعد ان کی آخری رسوم ادا کی جائے گی۔ وریندر نائک مہاراشٹر کے ساونت واڑی کے رہنے والے تھے جہاں ان کی آخری رسوم ادا کی جائے گی۔

رپورٹ کے مطابق، نائک نے اتوار کو ہوئے ایک مقابلے میں 66 رنوں کی بہترین اننگز کھیلی تھی۔ نائک وکٹ کے پیچھے کیچ آؤٹ ہوئے تھے۔ بتایا جا رہا ہے کہ نائک ایمپائر کے فیصلے سے خوش نہیں تھے۔ انہیں لگا تھا کہ گیند نے ان کے بلے کا کنارا نہیں لیا ہے۔ وریندر جیسے ہی پویلین پہنچے ان کا سر دیوار سے ٹکرایا اور وہ نیچے گر گئے۔ اس کے بعد ان کے ساتھی کھلاڑی انہیں کار میں اسپتال لے گئے جہاں انہیں مردہ قرار دے دیا گیا۔ وریندر نے سکندرآباد کے یشودا اسپتال میں آخری سانس لی۔

ایک نظر اس پر بھی

مینگلور میں بھی بھٹکلی طالب علم کا شاندار پرفارمینس؛ تیسری بارلگاتار یونیورسٹی بلیو کا خطاب

 مینگلور کی ایس ڈی ایم لاء کالج میں زیر تعلیم  بھٹکل کا فٹ بال کھلاڑی محمد رائف گنگاولی نے اپنی کالج کی نمائندگی کرتے ہوئے پھر ایک باربہترین پرفارمینس پیش کرکے یونیورسٹی بلیو کا خطاب جیتنے میں کامیاب ہوگیا ہے جس کے ساتھ ہی وہ اب کرناٹکا اسٹیٹ لاء یونیورسٹی ہبلی کی نمائندگی ...

وراٹ کوہلی اور کے ایل راہل کی طوفانی بلے بازی ،پہلے ٹی ٹوئنٹی مقابلے میں ہندوستان نے ویسٹ انڈیز کو 6وکٹ سے دی شکست

تین ٹی 20 میچوں کی سیریز کے پہلے میچ میں کپتان وراٹ کوہلی کی شاندار اننگز کی بدولت ہندوستان نے حیدرآباد کے راجیو گاندھی انٹرنیشنل اسٹیڈیم میں ویسٹ انڈیز کو چھ وکٹوں سے شکست دی ۔ ٹاس ہار کر پہلے بلے بازی کرتے ہوئے ویسٹ انڈیز کی ٹیم نے مقررہ 20 اوورس میں پانچ وکٹ کے نقصان پر 207 رنوں ...

منکی اور مرڈیشور کے ساحل اور محمد حیات کرناٹکا یونیورسٹی دھارواڑ کے کرکٹ یونیورسٹی بلیو منتخب

کھیل کے میدان میں بھٹکل اور اطراف کے کھلاڑیوں کا یونیورسٹی بلیو منتخب ہونا عام ہوتاجارہا ہے، تازہ خبر یہ ہے کہ  پڑوسی علاقہ منکی اور مرڈیشور سے تعلق رکھنےو الے دونوجوان کرکٹ میں کرناٹکا یونیورسٹی دھارواڑ کی کرکٹ ٹیم کے لئے  منتخب ہوگئے ہیں