ہوناور : غیرقانونی طور پر پٹاخے تیار کرنے والے تین گھروں پر پولیس نے مارا چھاپہ
ہوناور، 27؍ستمبر (ایس او نیوز) ہوناور تعلقہ کے کرکی کے پاس گھروں کے اندر غیرقانونی طور پر پٹاخے تیار کرنے کی مصدقہ اطلاع پر پولیس نے تین گھروں پر چھاپہ مارا ۔
پولیس کا کہنا ہے کہ کسی بھی قسم کی احتیاطی تدابیر اختیار کیے بغیر انسانی جانوں کے لئے نقصان پہنچنے کے انداز میں پٹاخے تیار کیے جا رہے تھے ۔ دسہرہ اور دیپاولی کے تہواروں میں فروخت کرنے کے لئے پٹاخے تیار کیے جارہے تھے اور اس کے لئے استعمال ہونے والا گندھک کا سفوف اور دوسری اشیاء کے علاوہ تیار شدہ پٹاخے وغیرہ مذکورہ مکانات میں جمع کرکے رکھے گئے تھے ۔
پولیس نے قاسم حسین صاب ، اسماعیل یوسف صاب اور امینہ بی حسن صاب پر کیس درج کرتے ہوئے پٹاخوں کے لئے استعمال کی جانے والی اشیاء ضبط کرلی ۔