بھٹکل:13؍ڈسمبر (ایس او نیوز)قومی شاہراہ کی توسیع کے لئے اپنی زمینات، دکانیں، عمارات ، باغات کھونےو الوں کو ہائی وے اتھارٹی کی طرف سے جو معاوضہ دیا گیا ہے وہ غیر سائنٹفک ہے ۔ اس کے بجائے ان تمام کو یکساں معاوضہ دینے کے لئے اقدام اٹھانے کے متعلق بھٹکل کے رکن اسمبلی سنیل نائک نے ودھان سبھا میں مانگ کی ہے۔

سرمائی اجلاس کے بغیر نشان والے 149سوال نمبر پر ودھان سبھا حلقہ کے حدود میں توسیع کی جارہی قومی شاہراہ کے  لئے زمین حصولیابی کے متاثرین کو مناسب اور یکسان معاوضہ دینے کا تحریری مطالبہ کیاگیا ہے۔

ریاستی کابینہ کے آب پاشی وزیر ایچ ڈی ریونا نے تحریری جواب دیتے ہوئے کہا ہے کہ عوام کی طرف سے حصول کی گئی زمین اور گھروں کو قومی شاہراہ قانون 1956کے مطابق فوری طورپر معاوضہ اداکیا جاتاہے۔ حکومت کی طرف سے نامزد مصدقہ سروئیر آفیسرا ن کی طرف گھر، کمپاؤنڈ وغیرہ کا سروے کرکے متعلقہ عمارات کو مناسب معاوضہ دیا جاتاہے۔ متعلقہ دیہات، گاؤں کے رجسٹرڈ اعداد و شمارات کے مطابق قانون کے مطابق زرعی زمینات،باغات وغیرہ کو مرکزی حکومت کے قومی شاہراہ وزارت اور ہائی وے اتھارٹی کی طرف سے معاوضہ ادا کرنےکی بات کہی۔

اسی طرح بھٹکل ہوناور سمندر ی ساحل پر قدیم زمانے سے محکمہ بندرگاہ کی زمین پر قدیم زمانےسے رہائش پذیر باشندوں کو زمین حق کے اسناد تقسیم کئے جانے کے متعلق ودھان سبھا میں  رکن اسمبلی سنیل نائک نےحکومت پر زور دیا۔

سرمائی اجلاس کے تیسرے دن اہم سوال اٹھاتے ہوئے رکن اسمبلی نے بلدیہ ، بندرگاہ کے وزیر بال چندر جارکی ہولی سے مطالبہ کیا۔ رکن اسمبلی نے کہاکہ گزشتہ سینکڑوں برسوں سے ہوناور کے کاسرکوڈ سے بھٹکل کے گورٹے تک کے ساحل سمندر محکمہ بندرگاہ کی زمین پر گھر، دکان،کھیت ، باغ وغیرہ کے لئے متعلقہ زمین کا استعمال کرتےہوئے زندگی گزار رہے ہیں۔ اس سے قبل والی تمام حکومتوں سے احتجاج کے ذریعے زمینات کے لئے سند کی مانگ کی گئی تھی مگر کوئی فائدہ نہیں ہوا۔ انسانی نظریہ سے مستقبل میں مشکل حالات سے بچانے کے لئے ان غریب ماہی گیروں اور کسانوں کو ان کے متعلق زمینات کی اسناد مہیا کرنے کے لئے اقدام کئے جانے کا مطالبہ کیا۔