مشہور آف اسپنر ہربھجن سنگھ نے ہر سطح کے کرکٹ کو کہا الوداع

Source: S.O. News Service | Published on 24th December 2021, 9:18 PM | اسپورٹس |

نئی دہلی،24؍دسمبر(ایس او نیوز؍ایجنسی) ہندوستان کے مشہور و معروف اسپن گیندباز ہربھجن سنگھ نے کرکٹ کے سبھی فارمیٹ سے ریٹائرمنٹ کا اعلان کر دیا ہے۔ انھوں نے اپنے سوشل میڈیا اکاؤنٹ کے ذریعہ اس بات کی جانکاری پوری دنیا کو دی۔ قابل ذکر ہے کہ ہربھجن سنگھ نے ہندوستان کے لیے 23 سال میں 711 وکٹ لیے۔

ہربھجن سنگھ نے ریٹائرمنٹ کا اعلان کرتے ہوئے ٹوئٹر پر لکھا ’’سبھی اچھی چیزیں ختم ہو جاتی ہیں اور آج جب میں اس کھیل سے وداع لیتا ہوں، جس نے مجھے زندگی میں سب کچھ دیا، تو میں ان سبھی کو شکریہ کہنا چاہتا ہوں جنھوں نے اس 23 سال کے طویل سفر کو خوبصورت اور یادگار بنایا۔‘‘

ہربھجن سنگھ نے ہندوستان کے لیے آخری میچ 2016 میں کھیلا تھا۔ ہربھجن سنگھ کے بین الاقوامی کیریر کی بات کریں تو انھوں نے مجموعی طور پر 103 ٹیسٹ کھیلے ہیں جن میں 417 وکٹ لیے۔ 236 وَنڈے میں انھوں نے 269 وکٹ لیے، اور 28 ٹی-20 میچوں میں انھیں 25 وکٹ حاصل ہوئے۔

ہربھجن کے پہلے اور آخری میچ کی بات کی جائے تو انھوں نے پہلا ٹیسٹ آسٹریلیا کے خلاف 1998 میں کھیلا تھا، اور آخری ٹیسٹ سری لنکا کے خلاف 2015 میں کھیلا۔ پہلا وَنڈے انھوں نے نیوزی لینڈ کے خلاف 1998 میں، اور آخری ونڈے جنوبی افریقہ کے خلاف 2015 میں کھیلا تھا۔ علاوہ ازیں ہربھجن نے پہلا ٹی-20 میچ جنوبی افریقہ کے خلاف 2006 میں کھیلا اور آخری ٹی-20 میچ یو اے ای کے خلاف 2016 میں کھیلا تھا۔ آئی پی ایل کیریر کی بات کریں تو ہربھجن سنگھ نے مجموعی طور پر 163 میچ کھیلے ہیں جس میں انھوں نے 150 وکٹ لیے۔

ایک نظر اس پر بھی

دبئی : 6 فروری سے شروع ہورہا ہے بھٹکل پریمیئر لیگ کا نواں کرکٹ ٹورنامنٹ؛ کھلاڑیوں کے آوکشن میں آسجد حیدر اور صفوان شانو ثابت ہوئے سب سے مہنگے کھلاڑی

بھٹکل پریمئیر لیگ (بی پی ایل) کا دسواں کرکٹ ٹورنامنٹ 6 فروری سے شروع ہورہا ہے جو  27 فروری تک جاری رہے گا۔  گذشتہ سالوں کی طرح اس بار بھی ٹورنامنٹ کے تمام میچس  عجمان گراونڈ میں  کھیلے جائیں گے۔

انگلینڈ نے 9 وکٹ گنوانے کے باوجود چوتھا ٹیسٹ ڈرا کرایا

جیک کرولی (77) اور بین اسٹوکس (60) کی شاندار نصف سنچری اننگز اور نچلے آرڈر کے بلے بازوں کی ہمت افزا کارکردگی کی بدولت آسٹریلیا کے خلاف چوتھے ایسیز ٹسٹ میچ کو 9 وکٹ سے گنوانے کے باوجود پانچویں اور آخری دن اتوار کو ڈرا کرالیا۔ آسٹریلیا یہ ٹسٹ ڈرا ہونے کے باوجود پانچ میچوں کی سیریز میں ...