کاروار:23؍فروری (ایس اؤ نیوز)رشوت خوری اور بدعنوانی کاخاتمہ سمیت مختلف مطالبات کو لےکر تعلقہ رجسٹرڈ کانٹراکٹر سنگھا کی طرف سے منگل کو کاروار کے ٹیگور بیچ پر سمندر میں اُتر کر ادھ ننگے احتجاجی ریلی کا اہتمام کیاگیا ۔ جس میں کانٹراکٹروں کے لئے تحفظ فراہم کرنے کی بھی مانگ کی گئی۔
شہر کے متراسماج میدان سے نکلی ادھ ننگے احتجا جیوں کی ریلی گرین اسٹریٹ سے ہوتے ہوئے قومی شاہراہ پر پہنچی۔ اس کے بعد سمندر میں کمر تک اترکر پانی میں ہی کھڑے رہتے نعرے بازی کی پھر ڈی سی دفتر کے قریب جمع ہوکر حکومت کو اپنے مطالبات پر مشتمل میمورنڈم پیش کیا۔
اس موقع پر سنگھا کے صدر مادھونایک نے کہاکہ ٹینڈر کے ذریعے حاصل کئے گئے کاموں کو پورا کرنے میں کانٹراکٹروں کا پسینہ نکل رہاہے، کام کے لئے قرضہ لینا پڑرہاہے۔ لیکن کام کے بعد رقم لینے کے لئے محکمہ معیشت کے افسران کو رشوت دینا پڑتا ہے۔ انہوں نے الزام لگایا کہ حکومت نے ضمانت میں غیرسائنٹفک طورپر اضافہ کیاہے، انہوں نے اسے کم کرنے اور پہلے سے طئے شدہ رقم کو ہی باقی رکھنے کا مطالبہ کیا۔ تعمیری اشیاء جیسے مٹی ، ریت، جھلی ، پتھر ، ایم سیانڈوغیرہ کی سپلائی کےلئے فوری طورپر منظوری دینے سمیت انجنئیروں کے خالی عہدوں کوپُر کرنے کی بھی مانگ کی۔
مادھونایک نے دوتین کامو ں کو ملا کر ’پیاکیج ٹینڈر‘ دینےکی سخت مخالفت کی اور حکومت کی طرف سے متعلقہ روایت کو روکنےکی با ت کرتے ہوئے دیگر کانٹراکٹروں کو مشکلات پیش آنے کی بات کہی۔ اسی طرح انہوں نے کہا کہ حکومت 2کروڑ روپیوں کی لاگت سے ہونے والی تعمیری کاموں کو ٹینڈر بلائے بغیر بنیادی سہولیات ترقی نگم کے تحت راست طورپر نافذ کرنے اور قانون میں ترمیم کرنےکی تیاری میں ہے۔ یہ ترمیم ہمیں قبول نہیں ہے۔ اس موقع پر سنگھا کے نائب صدر سنتوش سئیل، سکریٹری انیل کمار ، سومیت اسنوٹیکرسمیت کئی لوگ موجود تھے۔