بھٹکل انجمن انسٹی ٹیوٹ آف ٹکنالوجی اینڈ مینجمنٹ میں گریجویشن ڈے کا انعقاد : طلبا کےدرمیان تقسیم کی گئیں اسناد
بھٹکل:22؍ جون (ایس اؤ نیوز)انجمن انسٹی ٹیوٹ آف ٹکنالوجی اینڈ مینجمنٹ بھٹکل کا 19جون 2022بروز اتوار کالج کے ایس ایم یحییٰ میمورئیل پی جی بلاک میں گرایجویشن ڈے منایاگیا ۔
گریجویشن ڈےکے مہمان خصوصی ڈاکٹر پی ایس ائیتھال ، وائس چانسلر ، شری نواس یونیورسٹی منگلورو نے طلبا کو مبارکبادی پیش کرتےہوئےکہاکہ جس طرح آپ کی کالج ایک طرف بحر عرب اور دوسری طرف سہیادری گھاٹ کےدرمیان بہترین اور خوب صورت قدرتی مناظر پیش کرتےہوئے دلوں کو موہ لیتا ہے فرحت دے رہا ہے کہ اسی طرح آپ کو اپنی تعلیم کے ذریعے چیلنجس کو موقعوں میں منتقل کرکے سماج کےلئے بہترین خدمات انجام دینی ہیں۔ اس موقع پر ڈیجیٹل سلوشن ایچ سی ایل سافٹ وئیر بنگلورو کے ٹیک لیڈر ڈنِّی انتھونی پیٹر نے بھی اپنے خیالات کااظہارکیا۔انجمن حامئی مسلمین بھٹکل کے صدر قاضیا محمد مزمل نے جلسے کی صدارت کی ۔
گریجویشن ڈے کا آغاز 6سم کے متعلم حسین قاضیا کی تلاوت قرآن سےہوا۔ کالج پرنسپال ڈاکٹر مشتاق بھاوی کٹی نے استقبال کیا۔ اس کے بعد بہترین کارکردگی کا مظاہرہ کئے طلبا کی تہنیت کی گئی ۔ پروگرام کمیٹی کے چیرمن ڈاکٹر اننت مورتی شاستری نے مہمانوں کا تعارف پیش کیا۔ گریجویشن مکمل کئے طلبا کے درمیان گریجویشن سرٹی فیکٹ تقسیم کی گئیں۔ ڈاکٹر ٹی ایم پی راج کمار نے شکریہ کلمات ادا کئے۔کالج کے متعلم محمد تمیز، عبداللہ سبہیل اور حسن رکن الدین نےنظامت کے فرائض انجام دئیے ۔ قومی ترانے کے ساتھ جلسے کا اختتام ہوا۔ ڈائس پر انجمن حامئی مسلمین بھٹکل کے جنرل سکریٹری صدیق اسماعیل ، ایڈیشنل جنرل سکریٹری اسحق شاہ بندری ، کالج سکریٹری محی الدین رکن الدین موجود تھے۔