کاروار18/اکتوبر (ایس ا و نیوز) امتحانات سے پہلے امیدواروں کومفت تربیت دینے کے منصوبے کے تحت ضلع ایمپلائمنٹ ایکسچینج کی جانب سے سرسی میں سرکاری اسپتال کے قریب واقع سرکاری فرسٹ گریڈ کالج میں ان امیدواروں کے لئے مفت تربیتی کیمپ منعقد کیاجارہا ہے جو محکمہ پولیس میں بھرتی کے خواہشمند ہیں۔

 یہ کیمپ محکمہ پولیس میں مختلف خالی عہدوں پر طلب کی درخواستوں کے پس منظر میں 19 اکتوبرسے 28اکتوبر تک صبح 10بجے سے 1بجے تک اور دوپہر میں 2بجے سے 4بجے تک چلے گا۔اس کیمپ میں صرف تربیتی پروگرا م مفت رہے گا، دیگر کسی بھی قسم کی سہولت فراہم نہیں کی جائے گی۔ جو امیدوار اس سے فائدہ اٹھانا چاہتے ہیں وہ مزید معلومات کے لئے ضلع ایمپلائمنٹ ایکسچینج سے ذاتی طور پر یا پھر فون نمبر  9481274298/ 8310044796 / 08382-226386/ پر رابطہ قائم کرسکتے ہیں۔