بھٹکل کی فکروخبر میڈیا کی طرف سے فقہ شافعی آن لائن کوئیز مقابلہ؛ کوئیز جیتنے والوں کے لئے پچاس ہزار روپئے کے انعامات

Source: S.O. News Service | By I.G. Bhatkali | Published on 23rd May 2020, 3:33 PM | ساحلی خبریں |

بھٹکل 23/مئی (ایس اونیوز)  بھٹکل کی فکروخبر میڈیا کی طرف سے فقہ شافعی کا آن لائن کوئیز مقابلہ منعقد کیا گیا ہے جس میں کوئیز جیتنے والوں کے لئے پچاس ہزار روپئے کے انعامات تقسیم کئے جائیں گے۔ اس  بات کی اطلاع  مدیر فقہ شافعی فکروخبر بھٹکل مولوی  سید اظہر برماور ندوی  نے دی ہے۔ انہوں نے بتایا کہ ملک بھر میں کورونا لاک ڈاون کے چلتے  عوام گھروں میں بند ہوکر رہ گئے ہیں، ایسے میں ان کی دینی معلومات میں اضافہ کرنے کے لئے اس طرح کا پروگرام منعقد کیا گیا ہے جس میں ملک کے کسی  بھی حصے سے  لوگ بذریعہ آن  لائن شریک ہوسکتے ہیں۔ 

مولوی سید اظہر نے بتایا کہ یہ ایک انوکھا مقابلہ ہوگا  جس میں جدید ذرائع کا استعمال کرتے ہوئے  لوگوں کو اسلامی فقہ اور اسلامی مسائل  سے  آگاہ کرنے کی کوشش کی جائے گی۔ انہوں نے بتایا کہ ساحلی کرناٹک سمیت پڑوسی ریاست کیرالہ، مہاراشڑا، حیدر آباد، گجرات    وغیرہ میں فقہ شافعی کی بہت بڑی تعداد پائی جاتی ہے ، اٰسی کو بنیاد بناتے ہوئے  آن لائن کوئیز مقابلہ کا انعقاد کیا گیا ہے۔مزید بتایا کہ کوئیز مقابلے میں 12سال یا اس سے زائد عمر کے افراد شریک ہوسکیں گے، مقابلہ میں  شریک ہونے والوں کے لئے کہا گیا ہے کہ وہ فوری اپنا نام   رجسٹرڈکرائیں۔ رجسٹریشن کے لئے http://www.islamiafkaar.com/registration-form  اس ویب سائٹ پر جاکر اپنی تفصیلات درج کی جاسکتی ہے۔   مزید تفصیلات بتاتے ہوئے اسلامی افکار کے ایک ذمہ دار جناب فضل الرحمن شاہ بندری نے بتایا کہ  یکم جون کے بعد  مقابلہ شروع ہو گا اور ایک بار مقابلہ شروع ہونے کے بعد پھر رجسٹریشن کی کاروائی  نہیں ہوگی ،آگے بتایا کہ مقابلہ میں ہر روز فقہ شافعی کے متعلق دس سوالات پوچھے جائیں گے اور پندرہ دن تک یہ سلسلہ جاری رہے گا ، اسی طرح ہندوستان کا ہر شہری اس مسابقے میں حصہ لے سکے گا بھلے وہ کہیں پر بھی مقیم ہو۔

مسابقہ میں حصہ لینے والوں کے لئے بڑا فائدہ یہ ہے کہ فکر و خبر کے زیر اہتمام  اسلامی افکار کے ویب سائٹ   https://www.islamiafkaar.com  پرجو سوالات و جوابات  موجود ہیں    اُن ہی میں سے سوالات پوچھے جائیں گے۔جبکہ اس مسابقے میں کسی بھی مدرسہ سے فارغ عالم دین کو  شریک ہونے کی  گنجائش نہیں رہے گی۔ صحیح جوابات موصول ہونے والوں کی تعداد زیادہ ہونے کی صورت میں قرعہ اندازی کی جائے گی۔ ابتدائی پانچ انعامات کے بعد   25 خصوصی انعامات بھی دئے جائیں گے۔

مزید تفصیلات کے لئے  9916131111  یا 9036253909 پر رابطہ کیا جاسکتا ہے۔

 

ایک نظر اس پر بھی

کرناٹک میں تھمنے کا نام نہیں لے رہا ہے کورونا؛ 122 نئے کیسس، صرف گلبرگہ میں ہی 29 پوزیٹو کی تصدیق، دکشن کنڑا اور اُڈپی میں بھی بڑھ رہے ہیں معاملات

ریاست کرناٹک میں  کورونا کیسس تھمنے کا نام نہیں رہے ہیں اور ہرروز سو سے زائد معاملات درج کئے جارہےہیں ۔ آج بدھ کو ریاست میں 122 کورونا پوزیٹو کیسس کی تصدیق کی گئی ہے جس میں سب سے زیادہ گلبرگہ سے 28 معاملات سامنے آئے ہیں، یادگیر سے16، ہاسن سے 15جبکہ ضلع اُترکنڑا میں چھ،  پڑوسی ضلع ...

انکولہ ۔ہبلی ریلوے منصوبہ : ماہرین ماحولیات کے خلاف اسنوٹیکر گرم

انکولہ۔ ہبلی ریلوے لائن منصوبے کو لے کر ماہرین ماحولیات کے خلاف  جے ڈی ایس لیڈر آنند اسنوٹیکر نے سخت اعتراض جتاتے ہوئے کہا ہے کہ اس منصوبے کے تعلق سے مداخلت یا مخالفت نہ کریں تو بہتر ہے ورنہ ماہرین ماحولیات کی طرف سے فاریسٹ کی جتنی زمین ہتھیائی گئی ہے ثبوت کے ساتھ پیش کرنے کی ...

اترکنڑا کے کمٹہ میں پی یو دوم کے سالانہ  پرچوں کے جانچ مرکز کے قیام کا مطالبہ

اترکنڑا کے کمٹہ تعلقہ  میں پی یو سال دوم کے سالانہ پرچوں کے جانچ مرکز کے قیام کا مطالبہ لے کر اترکنڑا پی یو لکچررس اسوسی ایشین نے ضلع ایڈیشنل ڈی سی ناگراج سنگریر کی معرفت ریاستی وزیر تعلیم سریش کمار کو   میمورنڈم سونپا۔

ضلع اُترکنڑا میں کورونا کےپھر 6 معاملات؛سداپور میں بھی پہنچ گیا کورونا

ضلع اُترکنڑا میں آج بدھ کو مزید چھ  کورونا پوزیٹو معاملات سامنے آنے کے ساتھ ہی  ضلع میں کورونامتاثرین کی تعداد بڑھ کر 73 ہوگئی ہے۔  ضلع میں انکولہ، ہلیال اور سداپور  ایسے تعلقہ جات تھے جہاں اب تک کورونا نے دستک نہیں دی تھی، مگر آج سداپور کے ایک شخص میں بھی کورونا کے اثرات ...

بھٹکل میں خدمات انجام دینے والے کورونا کے خصوصی آفسر ڈاکٹر شرتھ نائیک اب ہوں گے ضلع ہیلتھ آفسر

بھٹکل میں کورونا وباء پر قابو پانے کے لئے کاروار سے ڈاکٹر شرتھ نائیک کو بھٹکل روانہ کرکے انہیں نوڈل آفسر کی ذمہ داری سونپی گئی تھی، اُنہیں اب ڈسٹرکٹ ہیلتھ آفسر کے طور پر نامزد کیا گیا ہے۔ ذرائع سے ملی اطلاع کے مطابق  ڈسٹرکٹ ہیلتھ آفسر کے طور پرخدمات انجام دینے والے  ڈاکٹر ...

بھٹکل میں ایک شخص نے کی خودکشی

یہاں آزادنگر فورتھ کراس میں ایک 22 سالہ نوجوان نے گھر کے ایک کمرے میں ہی  چھت سے لٹک کر خودکشی کرلی جس کی شناخت محمد مستقیم شیخ کی حیثیت سے کی گئی ہے۔