بھٹکل میں کورونا لاک ڈاون کے چلتے عید الفطر؛ مولانا خواجہ مدنی اور مولانا عبدالعلیم ندوی کا عوام کےنام عید کا پیغام؛ انکھوں سے نظر نہ آنے والے ایک چھوٹے سے جرثومہ کے آگے دنیا عاجز

Source: S.O. News Service | By I.G. Bhatkali | Published on 13th May 2021, 1:30 AM | ساحلی خبریں |

بھٹکل 12 مئی (ایس او نیوز) بھٹکل سمیت ریاست کرناٹک کے ساحلی علاقوں  میں  کورونا لاک ڈاون کے چلتے جمعرات کو عید الفطر منائی جائے گی، جس کی وجہ سے  عید گاہ یا مساجد میں  نماز عید کی  ادائیگی کی اجازت نہیں ہے،  اسی طرح   لوگوں کو گھروں سے باہر نکل کر عید کی خوشیاں منانے سمیت  دوست احباب اور رشتہ داروں  کے گھروں میں جانےپر بھی پابندی عائد ہے۔ البتہ ساحل آن لائن کے توسط سے  بھٹکل  خلیفہ جامع مسجد کے خطیب  مولانا خواجہ معین الدین اکرمی مدنی اور جامع مسجد کے خطیب مولانا عبدالعلیم خطیبی ندوی نے  عوام  کو  عید کا پیغام دیا ہے جس میں مولانا خواجہ نے  اپنے پیغام میں  بتایا کہ دنیا کی سائنس  ایک ایسے جرثومے کے سامنے ڈیڑھ سال سے  عاجز ہے،  جو اتنا چھوٹا ہے کہ آنکھوں سے نظر بھی نہیں آتا۔ اس جرثومے پر قابو پانے کےلئے آئے دن نئے نئے  تجربات کئے جارہےہیں  اور اس نہ نظرآنے والے جرثومہ سے آج دنیا عاجز آچکی ہے۔ مولانا نے بتایا کہ  ایک معمولی جرثومہ  کے آگے دنیا پریشان ہے تو سوچا جاسکتا ہے  کہ دنیا والوں کے اندر وہ طاقت ہی  نہیں ہے  اور دنیا کی تمام طاقتیں مل کر بھی  اللہ کی  طاقت کے سامنے  کچھ نہیں ہے۔ مولانا نے عید کے تعلق سے بتایا کہ  عید الفطر میں نئےکپڑے پہننا اور شیرخورمہ پینا  اور  عید میں ایک دوسرے کو کھلانا پلانا یہ عید کا مقصود نہیں ہے، بلکہ عید کے دن سب سے پہلے مسلمان اللہ کے حضور حاضر ہوتا ہے دوگانہ ادا کرتا ہے ساتھ ساتھ  مسلمانوں کو فرمایا گیا کہ وہ غریب و نادار  ، مسکین و محتاج اور پریشان حال  لوگوں کا بھرپور خیال رکھے.

مولانا خواجہ  نے کہا کہ جن حالات میں آج ہم عید منا رہے ہیں  حرمین کی حاضری ہمارے لئے مشکل ترین ہوگئی ہے،  بلکہ اُس سےہمیں روک دیا گیا ہے، ہمیں ہمارے   ذاتی اُمور کے اندر بھی  ہماری آزادی سلب کرلی گئی ہے، ہمیں سوچنا چاہئے کہ  ہمارےلئے  جب یہ آزمائش ہے تو   ضروری ہے کہ ہم اپنا تعلق اللہ تعالیٰ کے ساتھ  پختہ  اور مضبوط کرلیں ، اللہ تعالیٰ کے حقوق کی ادائیگی میں  ہم سے جو کوتاہیاں ہوئی تھیں ، اُن کوتاہیوں سےہٹ کر ہم اللہ تعالیٰ کے ساتھ  تعلق کو مضبوط کرنے والےہوں۔

مسلمانوں کے لئے عید الفطرکا پیغام دیتے ہوئے  مولانا عبدالعلیم خطیبی ندوی نے فرمایا کہ  آج کووڈ کے چلتے جو حالات ہیں ، ایسے  حالات کے سامنے سپر ہونا،  مایوس ہوجانا،  مرعوب ہوجانا،  دل کے اندر گھبراہٹ کو لانا یہ سب مومن کی صفات نہیں ہیں۔   حالات کو لانے والا بھی اللہ ہے اور حالات کو لے جانے  والا بھی اللہ ہے،  اللہ کی رحمت سے کبھی مایوس نہیں ہونا چاہئے۔ مایوس ہونے والی قوم کبھی آگے نہیں بڑھتی،  بہادر وہ ہوتا ہے جو حالات کا  ڈٹ کر مقابلہ کرتا ہے، ہمیں  سوچنا چاہئے کہ اس مصیبت کو دور کرنے کےلئے ہم کس طرح کی کوشش کرسکتےہیں۔ مولانا نے فرمایا کہ حالات سے سبق لے کر وہاں سے راستہ نکالنا یہ آدمی کو کامیاب بنادیتا ہے۔ ایسی ہی قومیں ترقی کرتی  ہے جو  وسائل کے بغیر  اپنی محنت سے اپنے لئے راستہ  تلاش کرتی ہے۔

مولانا نے کہا کہ کورونا کے چلتے کاروبار ٹھپ پڑچکا ہے،  نوکریاں چلی گئی ہیں،   لوگ  بیکار بیٹھےہوئے ہیں،  اچھے گھرانے  پریشان حالی کا شکار ہیں، ہمیں اس کا مستقل حل سوچنا چاہئے،  گذشتہ سال کی طرح اس سال بھی یہ بیماری آئی، ممکن ہے آئندہ سال بھی  آئے،  کتنے اور لوگ بیروزگارہو جائیں گے، اس تعلق سے ہمیں معاشی اعتبار سے مستقل   نظام چلانے کی کوشش کرنی چاہئے جس سے ان حالات میں  بھی ہمارا معاشی نظام  قابو میں آئے ، ہمارے نوجوان خود کفیل رہے، محتاج نہ بنیں، اس کے لئے کوئی منصوبہ بند کوشش ہونی چاہئے۔ مولانا نے  مسلمانوں سے اس کوروناوباء کے خاتمے کےلئے خصوصی دعاوں کا اہتمام کرنے کی  اپیل کی۔

ایک نظر اس پر بھی

اتر کنڑا میں انتخابی ضابطہ اخلاق کا نفاذ - چیک پوسٹوں پر تیز ہوئی جانچ پڑتال؛ بورڈس اور ہورڈنگس ہٹائے گئے

لوک سبھا انتخابات کے لئے ضابطہ اخلاق کے نفاذ کے ساتھ ہی اتر کنڑا کے مختلف مقامات پر چیک پوسٹس پر جانچ پڑتال کی کارروائیاں تیز ہوگئی ہیں ۔  اسی کے ساتھ ہی  سڑک کنارے لگائے گئے اشتہاری بینرس اور ہورڈنگس وغیرہ بھی ہٹائے گئے ہیں۔

ڈانڈیلی اغوا معاملہ : 2 کروڑ روپے تاوان طلب کرنے والے ملزمین گرفتار ؛ گرفتار شدگان میں بھٹکل کا شخص بھی شامل

ڈانڈیلی کے ایک شخص کا اغوا کرکے اس کی رہائی کے لئے 2  کروڑ روپے طلب کرنے والے ملزمین کو  ڈانڈیلی پولیس نے گرفتار کر لیا ہے  جن  کی شناخت ڈانڈیلی کے رہنے والے پرشو رام ایلپّا میدار، کالگونڈا تکا رام سر نائک، ہلیال کے رہنے والے ونائیک کمپنّا کرننگ اور  بھٹکل مدینہ کالونی کے رہنے ...

دکشن کنڑا میں انتخابی ضابطہ اخلاق کے تحت قائم ہوئے چیک پوسٹس - نقدی اور بیش قیمت اشیاء لے جانے کے لئے ضروری ہوگا دستاویزی ثبوت 

دکشن کنڑا میں انتخابی ضابطہ اخلاق کے نفاذ کے ساتھ محکمہ پولیس نے حفاظتی بندوبست تیز کر دیا ہے اور عوام سے کہا ہے کہ اگر وہ اپنے ساتھ  نقد رقم یا قیمتی اشیاء لے جاتے ہیں تو انہیں اس سے متعلقہ باضابطہ دستاویزی ثبوت اپنے پاس رکھنا ہوگا اور جانچ کے دوران افسران کے سامنے پیش کرنا ...

بھٹکل میں7/مئی اورپڑوسی اضلاع اُڈپی اور مینگلور میں 26/ اپریل کو ہوگی پولنگ؛ پورے ملک میں سخت انتخابی ضابطہ اخلاق نافذ

الیکشن کمشنر کے اعلان کے مطابق ریاست کرناٹک میں دو مرحلوں میں انتخابات ہوں گے، جس کے تحت بھٹکل سمیت اُترکنڑا،  چکوڈی، بیلگاوی، باگلکوٹ، وجئے پور (ایس سی)، کلبرگی (ایس سی)، رائچور (ایس ٹی)، بیدر، کوپّل، بلاری (ایس ٹی)، ہاویری ، دھارواڑ، داونگیرے اور شموگہ میں 7/مئی کو انتخابات ...

اُترکنڑا میں 7 مئی کو ہوگی ووٹنگ، ضابطہ اخلاق فوری طور پر نافذ: کاروار میں ڈپٹی کمشنر گنگو بائی مانکر کی پریس کانفرنس

الیکشن کمیشن کی ہدایت کے مطابق، اترا کنڑا لوک سبھا حلقہ میں 7 مئی کو پولنگ ہوگی، البتہ  ضلع میں فوری طور پر سخت ضابطہ اخلاق نافذ کردیا گیا ہے، اس بات کی اطلاع  ضلع کی  ڈپٹی کمشنر اور ڈسٹرکٹ الیکشن آفسر  گنگوبائی مانکر نے دی۔

بھٹکل: انجمن پی یو اینڈ ڈگری کالج میں کبڈی، والی بال، ٹینس وغیرہ کھیلوں کے لئے اسپورٹس کورٹ کا سنگ بنیاد

انجمن پی  یو اینڈ ڈگری کالج میں  ملٹی پرپس اسپورٹس کورٹ  کا سنیچر کوانجمن کے نو منتخب صدر جناب محمد یونس قاضیا کے ہاتھوں  سنگ بنیاد رکھا گیا، جس کے بعد خطاب کرتے ہوئے موصوف نے بتایا کہ کالج کے بچوں کے لئے  ملٹی پرپس اسپورٹس کورٹ کی ضرورت  محسوس کی جارہی تھی ، آج یہاں   اس کا ...