ایڈن گارڈس آئی پی ایل 2018کا بہترین میدان رہا

Source: S.O. News Service | By Shahid Mukhtesar | Published on 27th May 2018, 2:02 PM | اسپورٹس |

کولکاتہ،26؍مئی ( ایس او نیوز؍آئی این ایس انڈیا ) کولکاتہ نائٹ رائڈرس گرچہ آئی پی ایل فائنل میں نہیں پہنچ سکی ہو لیکن اس کا گھریلو میدان ایڈن گارڈس موجودہ سیشن کا بہترین میدان منتخب کیا گیا۔ہندوستان کے سابق کپتان سوربھ گنگولی نے ایک ٹویٹ میں انکشاف کیا اور میدانی اہلکاروں کا شکریہ بھی دیا۔بی سی سی آئی اس کے سرکاری اعلان کل کرے گا۔بنگال کرکٹ ایسوسی ایشن کے صدر گنگولی نے ٹوئٹر پر لکھاکہ کیب کو یہ بتاتے ہوئے خوشی ہو رہی ہے کہ ایڈن گارڈس کو ایک بار پھر آئی پی ایل 2018 کا بہترین میدان منتخب کیا گیا۔ اس سیشن میں ایڈن گارنڈس پر نو میچ کھیلے گئے اور پونے میں ہونے والے دوپلے آف بھی اس کی جھولی میں آئے۔گنگولی نے کہاکہ کیب اس کامیابی میں اہم کردار ادا کرنے والے تمام لوگوں میدانی اہلکاروں، بی سی سی آئی اور آئی سی سی کا شکریہ کرتا ہے۔ کیب کے جوائنٹ سکریٹری اوشیک ڈالمیا نے بھی اپنے فیس بک کے صفحہ پر تمام لوگوں کا شکریہ ادا کیا۔

ایک نظر اس پر بھی

آئرلینڈ نے عالمی چیمپئن انگلینڈ کو سیریز کے تیسرے اور آخری یک روزہ میچ میں 7 وکٹوں سے شکست دی

  کپتان اینڈی بال برنی (113) اور افتتاحی بلے باز پال اسٹارلنگ (142) کی شاندار سنچریوں کی بدولت آئرلینڈ نے عالمی چیمپئن انگلینڈ کو سیریز کے تیسرے اور آخری یک روزہ میچ میں سات وکٹوں سے ہراکر زبردست کامیابی حاصل کی ہے۔