بھٹکل:04؍اپریل (ایس او نیوز)بھٹکل بلدیہ حدود کے آسارکیری میں اندرونی نالیوں (ڈرنیج)کا پانی کنوؤوں میں شامل ہونے سے پانی گندہ ہورہاہے، فوری طورپر مسئلہ کو حل کرنےکی مانگ  لے کر شری وینکٹیشور یوتھ سنگھ نے بھٹکل اسسٹنٹ کمشنر کو میمورنڈم سونپا۔

علاقہ کے کنوؤوں کا پانی پینے اور دیگر ضروریات  کے لئے استعمال کیاجاتاہے، ڈرنیج کا پانی شامل ہونے سے کنوؤوں کا  پانی کسی استعمال کے قابل نہیں رہا۔ مسئلہ کو لے کر کئی مرتبہ بلدیہ انتظامیہ سے درخواست کئے جانے کے باوجود کوئی توجہ نہیں دے رہا ہے، اس سلسلے میں مسئلہ کو حل کرنے کو لے کر متعلقہ افسران کو ہدایات جاری کرنے کی اپیل کی گئی ہے۔ اسسٹنٹ کمشنر ساجد ملانے اپیل وصول کی۔ اس موقع پر شری دھر نائک، وینکٹیش نائک، پانڈورنگا نائک، من موہن نائک، شری کانت نائک، وانی پجاری ، راجو نائک وغیرہ موجود تھے۔