گھریلو پروازیں شروع،مسافروں نے پہنا فیس شیلڈ تو ائیر ہوسٹیس نے پی پی ای کِٹ

Source: S.O. News Service | Published on 25th May 2020, 7:48 PM | ملکی خبریں | ان خبروں کو پڑھنا مت بھولئے |

نئی دہلی،25؍مئی (ایس او نیوز؍ایجنسی) ہندوستان میں لاک ڈاؤن کے درمیان آج سے گھریلو پروازیں بھی شروع ہو گئی ہیں۔ تقریباً دو مہینے تک پروازوں پر لگی پابندی کو بحال کر دیا گیا۔ دہلی کے اندرا گاندھی انٹرنیشنل ائیر پورٹ پر 4 بج کر 45 منٹ پر پونے کے لیے سب سے پہلی فلائٹ روانہ ہوئی۔ لیکن اس دوران کئی فلائٹس کو کینسل بھی کیا گیا جس سے لوگوں کو کافی دقتوں کا سامنا کرنا پڑا۔

قابل ذکر ہے کہ راجدھانی دہلی سمیت جے پور، لکھنؤ، پٹنہ، احمد آباد، حیدر آباد اور ممبئی میں فلائٹس نے پرواز بھری۔ اس دوران مسافروں کو کچھ مصیبتوں کا بھی سامنا کرنا پڑا۔ ممبئی میں کئی مسافر ایسے رہے جن کی فلائٹ بغیر کسی قبل اطلاع کے منسوخ کر دی گئی۔ جے پور میں بھی مسافروں کو پوچھ تاچھ کے لیے کافی مشکلیں برداشت کرنی پڑیں۔ اس بابت نہ تو فون سے اطلاع دی گئی اور نہ کوئی ایس ایم ایس آیا۔ آن لائن بھی فلائٹ کینسل ہونے کی کوئی خبر نہیں دی گئی تھی۔ سفر نہ کر پانے کے سبب کئی مسافر کافی مایوس نظر آئے۔

ویسے پورے ملک میں کورونا بحران کی وجہ سے ائیر پورٹ پر حفاظت کا سخت انتظام دیکھنے کو ملا۔ طیارہ مسافروں کو گائیڈ لائن کے بارے میں جانکاری دینے کے لیے ملازمین کی بھی تعیناتی کی گئی تھی۔ ائیر پورٹ کے اندر جانے سے پہلے مسافروں کا سامان سینیٹائز کیا گیا۔ گائیڈ لائن ے مطابق سبھی مسافر کی انٹری گیٹ پر اسکریننگ ہوئی جس کے بعد ہی انھیں اندر جانے کی اجازت ملی۔ سبھی مسافروں کو ائیرلائن کی طرف سے فیس کور ماسک دیے گئے جسے پہن کر وہ فلائٹ میں بیٹھے۔ وہیں فلائٹ اٹینڈینٹ پی پی ای کِٹ پہنے ہوئے دکھائی دیے۔

دوسری طرف آندھرا پردیش 26 مئی سے ہوائی خدمات شروع کرے گا جب کہ مغربی بنگال میں ہوائی خدمات 28 مئی سے شروع ہوں گی۔

ایک نظر اس پر بھی

سی بی ایس ای طلباء کو راحت، 9؍ویں سے 12؍ ویں کے نصاب میں 30 فیصد تخفیف

کووڈ-19 کے بڑھتے معاملات کے درمیان اسکول کے نہ کھل پانے کی وجہ سے نظام تعلیم پر اثر اور کلاسز کے اوقات میں بھی آئی کمی کے پیش نظر سی بی ایس ای نے منگل کو تعلیمی سال 21-2020 کے لئے 9ویں -12ویں کا نصاب 30 فیصدی تک کم کر دیا ہے۔

کورونا انفیکشن: ہندوستان ہوا بے حال، مریضوں کی تعداد تقریباً 7.5 لاکھ، مہلوکین 20642

 ہندوستان میں کورونا کا قہر لگاتار بڑھتا ہی چلا جا رہا ہے۔ گزشتہ کچھ دنوں سے روزانہ 20 ہزار سے زائد نئے مریض سامنے آ رہے ہیں اور مہلوکین کی تعداد میں بھی 400 سے 500 کے درمیان درج کی جا رہی ہے۔ تازہ ترین خبروں کے مطابق ہندوستان میں کورونا متاثرہ افراد کی کل تعداد 7.42 لاکھ اور ہلاکتوں ...

خطرے میں اسپین، 95 فیصد آبادی ہو سکتی ہے کورونا کا شکار: تحقیق

کورونا وائرس یعنی کووڈ-19 کے حوالہ سے اسپین میں کی گئی اسٹڈی میں یہ بات سامنے آئی ہے کہ اسپین کی آبادی کا صرف 5فیصد ہی اینٹی باڈیز تیار کرسکا ہے، جس سے یہ بات ثابت ہوتی ہے کہ کورونا سے بچاؤ کے لیے ’ہرڈ امیونٹی‘ حاصل نہیں کی جاسکتی۔

کاروار اسپتال سے 12 مزید لوگ ڈسچارج

بھلے ہی  ضلع اُترکنڑا میں کورونا پوزیٹیو کے معاملے ہر روز سامنے آرہے ہوں، لیکن کاروار اسپتال میں ایڈمٹ کورونا کے متاثرین  روبہ صحت ہوکر ڈسچارج ہونے کا سلسلہ بھی برابر جاری ہے۔