آئی پی ایل 2020: حیدرآباد پر دہلی کی 17 رنوں سے جیت، ممبئی سے ہوگا خطابی مقابلہ

Source: S.O. News Service | Published on 9th November 2020, 12:32 PM | اسپورٹس |

ابوظہبی،9؍نومبر(ایس او نیوز؍ایجنسی) دہلی کیپیٹلز (ڈی سی) نے آئی پی ایل کے 13 ویں سیزن کا کوالیفائر2 میچ جیت لیا۔ ابو ظہبی میں اتوار کی رات 'ڈو یا ڈائی' کے اس میچ میں دہلی نے سن رائزرس حیدرآباد (ایس آر ایچ) کو 17 رنز سے شکست دے دی۔ 190 رنز کے ہدف کے تعاقب میں سن رائزرس کی ٹیم مقررہ 20 اوورز میں صرف 172/8 رنز ہی بنا سکی۔ دہلی مارکس اسٹائنس نے سن رائزرز کو تین جھٹکے دیئے، جس میں کین ولیمسن کی اہم وکٹ بھی شامل ہے۔ کاگیسو ربادا نے چار وکٹوں کے ساتھ دہلی کی فتح کو یقینی بنایا۔ اس قیمتی فتح کے ساتھ دہلی کیپیٹلز نے پہلی بار آئی پی ایل کا فائنل اپنے نام کیا۔ اب ٹائٹل میچ میں وہ 10 نومبر کو دبئی میں چار بار کی چیمپیئن ممبئی انڈینز (ایم آئی) سے مقابلہ کریں گے۔

دوسری طرف اس شکست کے بعد موجودہ آئی پی ایل میں سن رائزرس حیدرآباد کا سفر ختم ہو گیا۔ لگاتار چار جیت کے بعد ڈیوڈ وارنر کی سربراہی میں سن رائزرز کی ٹیم اپنی تال برقرار رکھنے میں ناکام رہی اور اسے ٹورنامنٹ سے باہر ہونا پڑا۔ 190 رنز کے ہدف کے تعاقب میں سن رائزرز کی ٹیم کو پہلا دھچکا 12 کے اسکور پر ہوا، جب کپتان ڈیوڈ وارنر (2) کو کیگسو ربادا نے بولڈ کیا۔ اننگز کا آغاز کرنے آئے پریم گرگ (17) کو مارکس اسٹوئنس نے بولڈ کیا۔ اسی اوور میں اسٹونیس نے منیش پانڈے (21) کو بھی اپنا شکار بنایا۔

43 کے اسکور پر دوسرا اور تیسرا وکٹ 44 پر گر گیا۔ اکشر پٹیل نے جیسن ہولڈر (11) کو واپس لوٹایا۔ 90 کے اسکور پر حیدرآباد کو چوتھا دھچکا لگا۔ اس کے بعد کین ولیمسن (67) نے عبدالصمد کے ساتھ 57 رنز کی مضبوط شراکت قائم کی۔ ولیمسن کا اہم وکٹ وکٹ اسٹائنس نے حاصل کیا، پانچویں وکٹ 147 کے اسکور پر گرا۔

ربادا نے عبدالصمد (33) کو آؤٹ کرکے دہلی کو چھٹا دھچکا دیا۔ اگلی ہی گیند پر راشد خان (11) کو ربادا نے چلتا کیا اور اس کے بعد انہوں نے اسی اوور کی پانچویں گیند پر سری واتس گوسوامی (0) کو لوٹایا۔ یعنی 167 رن پر چھٹے اور ساتویں وکٹیں کے گرنے کے بعد 8 ویں وکٹ 168 رنز پر گر گیا۔

وہیں سلامی بلے باز شیکھر دھون کی 78 رنوں کی شاندار نصف سنچری اننگ اور مارکس اسٹائنس کی 38 اور شمران ہتمائر کی ناٹ آؤٹ 42 کی شاندار اننگ سے دلی کیپیٹلس نے سن رائزرس حیدرآباد کے خلاف آئی پی ایل کے دوسرے کوالیفائر میں اتوار کو بیس اووروں میں تین وکٹ پر 189 رنوں کا قابل مقابلہ اسکور بنایا۔ شیکھر نے 50 گیندوں پر 78 رن میں چھ چوکے اور دو چھکے لگائے۔ اسٹائنس نے 27 گیندوں پر اڑتیس رن میں پانچ چوکے اور ایک چھکا لگایا جبکہ ہتمائر نے بائیس گیندوں پر ناٹ آؤٹ 42 رن میں چار چوکے اور ایک چھکا لگایا۔

ٹاس جیت کر پہلے بلے بازی کرنے اتری دلی نے شیکھر دھون کے ساتھ اوپننگ میں مارکس اسٹائنس کو اتارنے کا داؤ کھیلا جو کامیاب رہا۔ شیکھر اور اسٹائنس نے دہلی کو 86 رن کی شاندار ابتدا دی۔ اسٹائنس نے انہیں پاور پلے میں اتارنے کے فیصلے کو صحیح ثابت کرتے ہوئے اننگ کے چوتھے اوور میں جیسن ہولڈر کی گیندوں پر تین چوکے اور ایک چھکا لگاتے ہوئے اٹھارہ رن بنائے۔ دہلی کے پچاس رن 45 اوور میں پورے ہوگئے۔

ایک نظر اس پر بھی

آئی پی ایل فائنل میں چنئی نے دی کولکاتا نائٹ رائڈرس کو شکست، چنئی بنا چوتھی مرتبہ آئی پی ایل چیمپئن

سلامی بلے باز ڈو پلیسسز (86) کی بہترین نصف سنچری کے ساتھ روبن اتھپا کے (31) اور معین علی کے (ناٹ آؤٹ37) کی جارحانہ اننگز کے نتیجے میں چنئی سپر کنگس نے کولکاتا نائٹ رائڈرس کو  27 رنوں سے شکست دے دی اور چوتھی بار آئی پی ایل چمپئن بننے کا فخر حاصل کرلیا۔ 

آئی پی ایل 2021: کولکاتہ تیسری مرتبہ آئی پی ایل کے فائنل میں ، راہل ترپاٹھی نے چھکا لگا کر دلائی جیت

)  آئی پی ایل 2021 کا خطابی مقابلہ اب کولکاتہ نائٹ رائیڈرس اور چنئی سپرکنگس کے درمیان کھیلا جائے گا ۔ کے کے آر نے کوالیفائر 2 کے میچ میں دہلی کیپیٹلز کو 3 وکٹوں سے شکست دیدی ہے ۔ دہلی کی ٹیم پوائنٹس ٹیبل پر سرفہرست رہی تھی اور اس کو کوالیفائر 1 میں چنئی سپرکنگس نے شکست دی تھی ۔ میچ ...

چنئی نے ریکارڈ بنایا، نویں بار آئی پی ایل کے فائنل میں پہنچی، دہلی کو دی شکست

دبئی میں کھیلے گئے کوالیفائنگ مقابلہ میں چنئی سپر کنگس (سی ایس کے) نے دہلی کیپیٹلس کو شکست دے کر فائنل میں اپنی جگہ بنا لی ۔ سی ایس کے کپتان دھونی نے ایک شاندار پاری کھیلتے ہوئے چھہ گیندوں میں 18 رن بنائے اور آخری گیند پر چوکا لگاکر ٹیم کو جیت دلائی۔رابن اتھپا اور رتو راج ...