اُڈپی کے کاپو میں بائک کی ٹکر سے ہرن ہلاک، بائک سوار شدید زخمی ۔۔۔ کرائم کی مزید مختصر خبریں

Source: S.O. News Service | By I.G. Bhatkali | Published on 21st November 2021, 6:06 PM | ساحلی خبریں |
اڈپی 21 نومبر (ایس او نیوز) ضلع اڈپی کے کاپو تعلقہ کے شنکرپور میں راہ چلتی بائک سے اچانک ایک ہرن  ٹکراگئی جس کے نتیجے میں ہرن موقع پر ہی ہلاک ہوگئی جبکہ   بائک سوار شدید زخمی ہوگیا۔ حادثہ سنیچر رات کو شنکرپور کے سبھاش نگر میں اسٹیٹ ہائی وے پر  پیش آیا۔
 
زخمی بائک سوار کی شناخت  بنٹیکل کے رہنے والے ہرشیتھ (20) کی حیثیت سے کی گئی ہے۔ بتایا گیا ہے کہ  ہائی وے دوڑتی بائک  کے درمیان میں اچانک ہرن آگئی تھی جس کی بناء پر بائک سوار کا توازن بگڑ گیا اور ہرشیتھ  کی بائک  ہرن سے ٹکراگئی۔ ٹکر لگتے ہی  بائک سڑک پر ہی اُلٹ کر گری جس میں ہرشیتھ شدید زخمی ہوگیا، اسے اُڈپی اجرکاڈ اسپتال میں بھرتی کروایا گیا ہے۔
 
اطلاع ملتے ہی پولس سمیت محکمہ جنگلات کے اہلکاروں نے جائے وقوع کا جائزہ لیا ہے۔
 
بنٹوال : فرنگی پیٹ میں بائک اور کار کی ٹکر؛  بائک سوار ہلاک

بنٹوال،21؍ نومبر (ایس او نیوز)ضلع دکشن کنڑا کے فرنگی پیٹ کے قریب ارکولا میں پیش آئے سڑک حادثہ میں پراجول (26 ) نامی بائک سوار ہلاک ہوگیا جو وٹل کے قریب نیرکاجے کا رہنے والا تھا ۔ بتایا جاتا ہے مہلوک پراجوال نیو منگلور پورٹ ٹرسٹ کا ملازم تھا ۔ عینی شاہدین کے مطابق یہ حادثہ اس وقت پیش آیا جب پراجول اپنی ڈیوٹی انجام دینے کے لئے کمپنی کی طرف جارہا تھا تب ایک تیز رفتار کار نے اسے ٹکر مارکر گرادیا ۔ شدید زخمی حالت میں پراجول کو مقامی لوگوں نے ہاسپٹل میں منتقل کرنے کی کوشش کی مگر اس نے راستے میں ہی دم توڑ دیا ۔

بنٹوال بیچ سڑک پر دو گروہ آپس میں لڑ پڑے ۔ معاملہ درج

بنٹوال،21؍ نومبر (ایس او نیوز) بیچ سڑک پر دو گروہوں کے درمیان مار پیٹ کا از خود نوٹس لیتے ہوئے پولیس نے کیس درج کر لیا ہے۔ بتایا جاتا ہے کہ ایک مہندی کے فنکشن میں سنتوش نے اویناش پر حملہ کیا تھا ۔ دونوں کے گروہ اس مسئلہ کو حل کرنے کے لئے میلکار میں واقع ایک شاپنگ کامپلیکس سارا آرکیڈ کے پاس سڑک پر جمع ہوگئے ۔ اس دوران تکرار بڑھ گئی تو دونوں طرف سے مار پیٹ شروع ہوگئی جس میں سوڈا بوتلیں اور ڈنڈوں کا استعمال کیا گیا ۔ اور اس کا ویڈیو فوٹیج سوشیل میڈیا پر وائرل ہوگیا۔

پانے منگلور کے ایک مندر میں ہورہے فنکشن کی سیکیوریٹی پر مامور بنٹوال ٹاون پولیس اسٹیشن کے سب انسپکٹر کلئیمار کو جب اس جھڑپ کی اطلاع ملی تو وہ اپنے عملہ کے ساتھ موقع پر پہنچ گئے ۔ انہوں نے وہاں تقریباً 10 نامعلوم افراد کو آپس میں لڑتے ہوئے دیکھا مگر پولیس کی جیپ دیکھ کر وہ سب لوگ فرار ہوگئے۔ 

سب انسپکٹر کلئیمار نے از خود اس معاملے کی ایف آر  درج کرلی ہے اور تحقیقات جاری ہے۔

 

ایک نظر اس پر بھی

بھٹکل کے قریب شیرور سمندر میں بوٹ ڈوب گئی؛ کئی گھنٹوں تک پتہ نہ چلنے کے بعد دوسری بوٹ کے ذریعے ماہی گیر کنارے پہنچنے میں کامیاب

پڑوسی علاقہ شیرور (ضلع اُڈپی)  سمندر میں  ماہی گیری بوٹ ڈوب جانے سے ماہی گیر بُری طرح سمندر میں پھنس گئے تھے، مگر فوری طور پر دوسری بوٹ ان کی مدد کو پہنچ گئی اور پانچوں ماہی گیروں کو بچاکر کنارے لانے میں کامیاب ہوگئی۔ واردات اتوار شام قریب ساڑھے چار بجے کی ہے۔ 

بھٹکل تعلقہ میں بارش سے پیش آنے والے حادثات کے موقع پر فوری کارروائی کے لئے نوڈل افسران نامزد

سال 2022کےمانسون  بارش کے دوران بھٹکل تعلقہ میں پیش آنے والے سماوی حادثات کے موقع پر فوری توجہ دیتے ہوئے امداد پہنچانے اور تعلقہ کی مکمل نگرانی کی سخت ضرورت  رہتی ہے۔تعلقہ میں موسلادھار یا تیز بارش کی وجہ سے عوام کو ہونے والی مشکلات و پریشانی ، جانی ، مالی ،جانوراور فصل کے ...