منگلورو:15؍جون (ایس اؤ نیوز)دکشن کنڑا ضلع میں ایک اور فرد  کورونا وائرس کا شکار ہواہے۔ کڈنی کی شکایت  سے جوجھتا منگلورو کا 26سالہ نوجوان کی  11جون کی دیر رات اسپتال میں موت واقع ہوئی ہے۔ اس طرح ضلع میں کورونا سے مرنےوالوں کی تعداد  آٹھ ہوگئی ہے، اس کی اطلاع   ڈپٹی کمشنر  سندھو بی روپیش نے دی۔

ذرائع سے ملی اطلاع کے مطابق مہلوک کے تھوک کے  سیمپل کی رپورٹ  پوزیٹیو آئی تھی۔  مہلوک لمبے عرصے سے کڈنی کی بیماری  اور بی پی میں مبتلا تھا ۔  28مئی کو ممبئی سے منگلورو پہنچا تھا۔ 28اور29مئی کو کوارنٹائن کیا گیا تھا۔ خصوصی معاملہ شمار کرتے ہوئے مہلوک کو14دن کے لئے گھر میں کوارنٹائن کیاگیا تھا۔ حال ہی میں اس کی کوارنٹائن کی مدت ختم ہوئی تھی۔ 11جون کی دیر رات نوجوان سانس کی تکلیف میں مبتلا ہوا تو شہر کے پرائیویٹ اسپتال میں داخل کیا گیا تھا۔ اس کے بعد کچھ ہی لمحات میں اس نے آخری سانس لی ۔