بھٹکل :10؍فروری(ایس اؤ نیوز)عالمی صحت عامہ مہم کی مناسبت سے آر این ایس ڈگری کالج  مرڈیشور کے شعبہ این ایس ایس اور تعلقہ صحت عامہ کے اشتراک سے منعقدہ پروگرام  میں طلبا کو کرونا وائرس کے متعلق اٹھائے جانے والے پیشگی اقدامات کی مکمل جانکاری دی گئی ۔

تعلقہ صحت تعلیمی افسر ایریا دیواڑیگا نے طلبا سے خطاب کرتے ہوئے کہاکہ کرونا وائرس کے متعلق خوف کھانے کی ضرور ت نہیں ہے  البتہ اس تعلق سے چوکنا رہنے کی ضرورت ہے۔ کرونا وائرس کی علامتیں، پھیلنے کا طریقہ ، وائرس کی پہچان ، علاج، مرض کی روک تھام وغیرہ کے متعلق انہوں نے تفصیلی جانکاری دی۔ پروگرام میں کالج پرنسپال مادھو پی نے سبھی کا استقبال کیا۔ لکچرر گنپتی کائی کنی نے شکریہ اداکیا۔ لکچرر گنیش نائک، ویوکی نائک، دیپا کامت،  سورج کے ایس ،اوشانائک، پریتی نائک وغیرہ موجود تھے۔