کونکن ریلوے لائن پر ڈبل لائن کام جاری رہنے سے ٹرینوں کی آمدو رفت متاثر اور اوقات میں تبدیلی
کاروار:18؍فروری(ایس اؤ نیوز) منگلورو جنکشن اور پنمبور کے درمیان ڈبل لائن کا کام جاری رہنےکی وجہ سے متعلقہ لائن پر 19فروری سے اگلے 10دنوں تک ٹرینوں کی آمد ورفت متاثر ہونےکی خبر موصول ہوئی ہے۔
سی ایس ٹی ۔ منگلورو ڈیلی ایکسپرس 28فروری تک سورتکل تک ہی چلے گی، متعین وقت پر وہیں سے سفر شروع کرے گی۔اسی طرح مڈگاؤں۔ منگلورو ’ڈیمو‘ پیاسنجر ٹرین توکور میں قیام کرے گی ، وہیں سے دوبارہ اپنا سفر شروع کرے گی۔ منگلورو۔ مڈگاؤں ۔ منگلورو انٹر سٹی ایکسپرس ٹرین 28فروری کونہیں چلے گی۔ 13ٹرین جوکٹے اور منگلورو جنکشن پر 15سے 90منٹ تک کھڑے رہنے کی اطلاع موصول ہوئی ہے۔ بقیہ ایرناکولم، کوچوولی ، چنڈی گڑھ کی طرف چلنے والی 8ٹرینوں کو عارضی طورپر رد کیاگیا ہے۔ 6ٹرینوں کے اوقات میں تبدیلی کی گئی ہے۔ اس سلسلےمیں پریس ریلیز جاری کرتے ہوئے کونکن ریلوے کے عوامی رابطہ افسر بی جی گھاٹگے نے مسافرین اور عوام سے تعاون کی اپیل کی ہے۔