بنگلورو، 22؍جولائی (ایس او نیوز) کورونا کے خوف کے درمیان ہی ایس ایس ایل سی ، سیکنڈ پی یو سی امتحانات منعقد کرنے کے بعد 30 اور 31؍ جولائی کو سی ای ٹی امتحانات منعقد ہورہے ہیں ۔ کورونا کے پھیلاؤ کے خوف کے درمیان کرناٹک پہلی ریاست ہوگی جو سی ای ٹی امتحان منعقد کرارہی ہے۔ 127 مقامات میں 497 امتحانی مراکز میں 194356 طلبہ امتحان دیں گے ۔ ہر ضلع میں وہاں کے ڈپٹی کمشنر نگرانی کریں گے ۔ پہلے ہی ایس او پی ٹیمیں بنائی گئی ہیں۔ تھرمل اسکریننگ، ماسک سمیت تمام طرح کی احتیاطی تدابیر اپنائی جائے گی ۔ دو دن قبل ہی مراکز کو سینیٹائز کیا گیا ہے ۔بیرونی ممالک اور ریاستوں سے آنے والے طلبہ اور والدین کو کوارنٹائن سے رعایت دی گئی ہے۔ طلبہ کیلئے کے ایس  آر ٹی سی ، بی ایم ٹی سی بسوں کا انتظام کیا گیا ہے۔ کووڈ۔19 پوزیٹیو طلبہ کیلئے علیحدہ انتظامات کئے گئے ہیں ۔ ضلع ڈپٹی کمشنر پوری نگرانی کریں گے ، ایمبولنس سمیت دیگر تمام سہولیات تیار رکھی جائیں گی۔