بیندور،18؍اگست (ایس او نیوز) کرمنجیشور کے کوڈیری میں تین دن پہلے دیسی کشتی میں ماہی گیری کے لئے جانے والے مچھیروں کو جو حادثہ پیش آیا تھا اور 12میں سے 4ماہی گیر لاپتہ ہوگئے تھے ان کی لاشیں کل سمندر سے بر آمد کرلی گئیں۔

خیال رہے کہ سمندر میں اٹھنے والی طوفانی موجوں کی وجہ سے بے قابو ہوکرکشتی ایک چٹان سے ٹکر اگئی تھی۔اس کے ساتھ ناگا کھاروی(55سال)، لکشمن کھاری (34سال)، شیکھر کھاروی (35سال) منجو ناتھ کھاری (38سال) پانی میں ڈوب کر لاپتہ ہوگئے تھے۔ ضلع انتظامیہ، کوسٹل سیکوریٹی پولیس،بیندور پولیس  اور مقامی ماہی گیروں نے ان لاپتہ افراد کی تلاشی مہم شروع کی۔ خراب موسم اور سمندری موجوں میں اچھال کی وجہ سے غوطہ خوروں کے لئے سمندرمیں اترنا ممکن نہیں ہورہاتھا جس لاپتہ افراد کو فوری طور پر تلاش نہیں کیا جاسکا۔ پھر دو دن بعد چاروں لاپتہ ماہی گیروں کی لاشیں مختلف علاقوں میں سمندری کناروں سے بر آمد کرلی گئیں۔