سڈلگی ندی سے غرق ہوکر لاپتہ ہونے والے لڑکے کی نعش برآمد
بھٹکل 20 مئی (ایس او نیوز) بدھ کی دوپہر کو ہوناور تعلقہ کے سڈلگی ندی میں غرق ہوکر لاپتہ ہونے والے پندرہ سالہ گونگے لڑکے کی نعش آج جمعرات دوپہر کو اُسی ندی سے برآمد کرلی گئی ہے۔
یاد رہے کہ پرجاول گوپال نامی یہ لڑکا اپنے دو دوستوں کے ساتھ سڑلگی ندی میں تیرنے کے دوران اچانک غرق ہوکر لاپتہ ہوگیا تھا۔ حادثے کے فوری بعد پولس اور ماہر تیراک کی مدد سے مقامی لوگوں نے اس کی تلاشی مہم شروع کردی تھی، مگر شام کا اندھیرا پھیلنے تک لڑکے کا کوئی پتہ نہیں چل پایا تھا، آج دوپہر اس کی نعش برآمد کرلی گئی۔
نعش کو ہوناور سرکاری اسپتال پوسٹ مارٹم کے لئے لے جایا گیا ہے، ضروری کاروائیوں کے بعد اہل خانہ کے حوالے کی جائے گی۔
ہوناور پولس تھانہ میں اس تعلق سے معاملہ درج کیا گیا ہے۔
اس نیوز کے تعلق سے پہلے شائع شدہ رپورٹ ؛
