بھٹکل میں بائک اور ٹمپو کے درمیان ٹکر؛ دو شدید زخمی

Source: S.O. News Service | By I.G. Bhatkali | Published on 12th April 2019, 12:07 PM | ساحلی خبریں |

بھٹکل 12/اپریل (ایس او نیوز) موڈ بھٹکل بائی پاس  کے قریب نیشنل ہائی وے پر  بائک اور ٹمپو کے درمیان ہوئی ٹکر میں بائک پر سوار دو افراد شدید زخمی ہوگئے جنہیں ابتدائی طبی امداد کے بعد منی پال روانہ کیا گیا ہے۔

حادثہ جمعرات شام کو اُس وقت پیش آیا جب مسافروں سے بھری ٹمپو جو بھٹکل سے بیندور جارہی تھی، مخالف سمت سے آنے والی بائک سے ٹکراگئی۔ بائک سرپن کٹہ سے شمس الدین سرکل کی طرف جارہی تھی۔ زخمیوں کی شناخت  سُکرا بڈیا گونڈا (56) اور دُرگیا انّیا گونڈا (60) کی حیثیت سے کی گئی ہے۔ دونوں بھٹکل تعلقہ کے ہاڈین کے رہنے والے ہیں۔

دونوں کے ہاتھوں اور پیروں کو چوٹیں لگنے کے ساتھ ساتھ ان کے سر کو بھی چوٹ لگی ہے، جس کی وجہ سے بھٹکل سرکاری اسپتال میں ابتدائی طبی امداد کے بعد دونوں کو منی پال شفٹ کیا گیا ہے۔

بھٹکل پولس نے  دونوں زخمیوں کی عیادت کرنے کے بعد ضروری جانکاری لی ہے۔

ایک نظر اس پر بھی

لوک سبھا انتخابات؛ کرناٹک میں دوسرے مرحلے کی ووٹنگ جاری؛ دوپہر ایک بجے تک اُترکنڑا میں 39 فیصد پولنگ، سرسی میں سب سے زیادہ 47 فیصد پولنگ (پل پل کی آپڈیٹس)

ملک  کے تیسرے مرحلے اور ریاست کرناٹک کے دوسرے اور آخری مرحلے کی ووٹنگ آج صبح سات بجے سے جاری ہے  اور صبح نو بجے تک کی اطلاع کے مطابق  پوری ریاست میں  نہایت سست روی کے ساتھ پولنگ ہورہی ہے۔

بھٹکل : کل منگل کو ہونے والے انتخابات کے لئے اُترکنڑا میں تیاریاں مکمل؛ سبھی پولنگ بوتھوں پر ووٹنگ مشین روانہ؛ صبح سات بجے سے شروع ہوگی ووٹنگ

سات مرحلوں میں ہونے والی ملک کے عام انتخابات کا تیسرا مرحلہ کل منگل کو شروع ہورہا ہے، جس کے لئے تیاریاں تقریباً مکمل ہوچکی ہیں۔ ضلع اُترکنڑا کے مختلف  حلقوں میں  آج صبح سے  ووٹنگ مشینوں کو  پولنگ بوتھوں پر روانہ کرنے کی کاروائی شروع ہوئی۔

شمالی کینرا کے ڈی سی نے سمندری لہروں پر تقسیم کیں نوجوان ووٹروں کو پرچیاں

ضلع شمالی کینرا کی انتظامیہ کی طرف سے ووٹروں میں پولنگ کی اہمیت کا شعور بیدار کرنے کے لئے پچھلے چند مہینوں سے بہت سارے طریقے اپنائے گئے۔تازہ ترین اقدام کے طور پر ضلع ڈی سی ڈاکٹر ہریش کمار نے پہلی مرتبہ ووٹ ڈالنے والے نوجوان ووٹروں کو اسکوبا ڈائیونگ کا موقع فراہم کرتے ہوئے ...

اُترکنڑا لوک سبھا انتخابات؛ دوسرے مرحلے کی پولنگ کے لئے تشہیری مہم کا اختتام۔ اننت کمارہیگڈے نے مسلمانوں کے خلاف کہیں بھی زہر نہیں اُگلا

پارلیمانی انتخابا ت کے دوسرے مرحلے کی پولنگ سے پہلے امیدواروں کی طرف سے عوامی تشہیر کے لئے اتوار کی شام تک موقع تھا۔ اس سے فائدہ اٹھانے کے لئے سابق وزیراعظم دیوے گوڈا سمیت کئی قد آور سیاسی لیڈروں نے ضلع شمالی کینرا کا دورہ کیا اور ووٹروں سے اپنے امیدوار کے لئے ووٹ طلب ...

ضلع شمالی کینرا میں انتخابی ذمہ داری اداکرنے میں مصروف پولیس عملے کو ڈرائی فروٹ کِٹ کا تحفہ 

کل ہونے والے لوک سبھا انتخابات کے لئے پورے ضلع میں  جتنے بھی پولس اہلکاروں کو تعینات کیا گیا ہے، اُنہیں ضلع کے سپرنٹنڈینٹ  آف پولس کی طرف سے  پہلی بار  ڈرائی فروٹ کے کٹس فراہم کئے گئے ہیں۔ بتایا گیا ہے کہ  پارلیمانی انتخابات کو پرامن طریقے پر انجام دینے کے لئے تین ہزارسے ...