ಭಟ್ಕಳ:ಮೂಢಭಟ್ಕಳ ಬೈಪಾಸ ಬಳಿ ಗುರುವಾರದಂದು ಮಧ್ಯಾಹ್ನ ವೇಳೆ ಪ್ಯಾಸೆಂಜರ ಟೆಂಪೋ-ಬೈಕ ನಡುವೆ ಢಿಕ್ಕಿ ಸಂಭವಿಸಿದ್ದು, ಅಪಘಾತದಲ್ಲಿ ಬೈಕ್ ಸವಾರರಿಬ್ಬರಿಗೆ ಗಾಯಗೊಂಡಿದ್ದಾರೆ.
ಸುಕ್ರ ಬಡಿಯಾ ಗೊಂಡ(56) ಹಾಗೂ ದುರ್ಗಯ್ಯ ಅಣ್ಣಪ್ಪ ಗೊಂಡ(60) ಅಪಘಾತದಲ್ಲಿ ಗಾಯಗೊಂಡ ಬೈಕ ಸವಾರರಾಗಿದ್ದು, ಹಡೀನ್ ಸಬ್ಬತ್ತೆ ನಿವಾಸಿ ಎಂದು ತಿಳಿದು ಬಂದಿದೆ. ಭಟ್ಕಳದಿಂದ ಬೈಂದುರು ಕಡೆಗೆ ತೆರಳುತ್ತಿದ್ದ ಪ್ಯಾಸೆಂಜರ ಟೆಂಪೋ ಹಾಗೂ ಸರ್ಪನಕಟ್ಟೆಯಿಂದ ಭಟ್ಕಳದ ಕಡೆಗೆ ಬರುತ್ತಿದ್ದ ಬೈಕ್ ನಡುವೆ ಢಿಕ್ಕಿ ಸಂಭವಿಸಿದ್ದು, ಅಪಘಾತದಲ್ಲಿ ಇಬ್ಬರಿಗೂ ಕೈ ಕಾಲು ತಲೆ ಭಾಗಕ್ಕೆ ಗಾಯಗಳಾಗಿದ್ದು ಹೆಚ್ಚಿನ ಚಿಕಿತ್ಸೆ ಹಿನ್ನೆಲೆ ಮಣಿಪಾಲ ಆಸ್ಪತ್ರೆಗೆ ಸಾಗಿಸಲಾಗಿದೆ. ಸ್ಥಳಕ್ಕೆ ತೆರಳಿ ಪೊಲೀಸರು ಪರಿಶೀಲನೆ ಮಾಡಿದ್ದಾರೆ.