بھٹکل:09؍دسمبر(ایس اؤ نیوز) بنگلورو کی شیشا دری پورم لاء کالج میں ایل ایل بی کے  تیسرے سال میں  زیر تعلیم  بھٹکل کے عبدالباقی ابن عبدالقادر جیلانی  نے کبڈی میں بہترین کھیل کا مظاہرہ پیش کرتے ہوئے صدیقہ کرناٹکا اسٹیٹ لاء یونیورسٹی(کے ایس ایل یو)  کی کبڈی ٹیم(مین) کے لئے منتخب  ہوتے ہوئے یونیورسٹی بلیو کا خطاب پایا ہے۔

عبدالباقی منگلورو یونیورسٹی سے ملحق ڈگری کالج اُڈپی میں 11سے 14دسمبر 2019تک چلنے والے ساؤتھ زون  انٹر یونیورسٹی کبڈی ٹورنامنٹ میں کرناٹکا اسٹیٹ لاء یونیورسٹی بنگلورو کی نمائندگی کریں گے۔ خیال رہے کہ عبدالباقی پہلے کھلاڑی ہیں جو لاء یونیورسٹی کی کبڈی ٹیم کے 12کھلاڑیوں میں اپنی جگہ بنائی ہے۔عبدالباقی نے  بھٹکل انجمن پی یوکالج  سے کامیابی کے بعد بنگلورو کے شیشادری پورم لاء کالج میں داخلہ لیا تھا۔ اسی طرح عبدالباقی شاہین  مخدوم کالونی اسپورٹس سنٹر سے کھیلتے ہوئے بیسٹ رائیڈر مانے جاتے تھے۔ مانا جارہاہے کہ کبڈی ٹورنامنٹ میں اپنے بہتر کھیل مظاہرے کی بنیاد پر یہ ٹیم انڈیا کے لئے شمار کئے جاسکتےہیں۔ اس موقع پر بھٹکل مسلم یوتھ فیڈریشن ، شاہین مخدوم کالونی اسپورٹس سنٹر سمیت کبڈی کے شائقین نے مبارکباد ی پیش کی ہے۔